鳥海山鐵板燒 (已搬遷) 新店位置

鳥海山係一間我食過好食得黎價錢又合理既鐵板燒。當晚同朋友2人接近8點鐘去到，因為book左位所以可以直接入座。餐廳唔算好大，都坐滿曬客咁制。大蝦二人餐 $648沙律、大蝦、比目魚、牛柳、野菜、炒飯、麵豉湯沙律汁酸酸地好清新。大蝦每隻切開左3舊，蝦肉新鮮彈牙，蝦膏好香。比目魚煎得好靚仔！金黃色架😍食落外面有焦香得黎好脆，入邊就肉嫩多汁。牛柳煎完隻色好粉嫩。肉質無想像中咁腍身，但配埋蒜片一齊食幾好食。其實我成日唔明點解上完炒飯先上野菜，因為我鍾意一路食飯一路食菜😂個飯粉得好乾身，粒粒分明，好香口。個野菜就好大份，有牛油香味。除左個鐵板餐之外我地仲嗌左幾款壽司試下。火炙左口魚邊 $26紫菜包住燒完魚油爆曬出黎勁香既左口魚邊，我最愛！😋真鯛 $32真鯛既魚味係較淡既，食落肉嫩彈牙，你超鍾意佢加左個胡椒鹽去吊味，食落辣辣地。三文魚 $16三文魚幾厚切，完全無魚腥味。