影片
更多
2008-08-05
19 浏览
約左母親大人食飯，但早左一個鐘出去銅鑼灣.. 本想食吉列專門店 ~ 但真係好貴，平均要接近 $200 一位，唔捨得。趁有時間便在附近行逛，發掘下一 d 未去過既食肆。行到時代廣場斜對面的街角位，見到阿拉丁咖喱屋的門牌，見很久沒吃過印度咖喱.. 便走去望望價錢. 我心諗:「咦﹗$32 一個午餐，銅鑼灣黎講都叫抵喎﹗」咁就同阿媽上左去。入到去，間舖頭細細，但坐滿人客... 點半去到，仲要等三張枱，樓上舖黎講都叫犀利囉 ~ 見 d 人又食得好滋味，心諗:「今次應該冇揀錯地方吧﹗」等左三個字，終於埋位了。今次叫左兩個餐，食得幾滿意。 首先第一個係印度香料魚 (右上)：好獨特既香料，香而不辣，適合完全唔食得辣既人去試。而魚柳數量不太多，肉質一般，但用簿餅點汁已經很滋味了。 另一個係咖喱牛腩：鍾意佢完全唔落椰汁，變左冇出面 d 咖喱咁溜，但又唔會因此而變得過稀。而佢落左不少洋蔥，令到個咖喱更加香﹗牛腩都忟得好淋，同時亦好有口感。 鐵板無骨雞 (跟餐加 $5 有兩件)：少少辣但唔拿喉，點檸檬汁後，d 香料更加特出，值得一 試。 跟餐的簿餅又熱又鬆脆，初初上果時以為好多，但食下一塊，食下一塊，很快便把
行到時代廣場斜對面的街角位，見到阿拉丁咖喱屋的門牌，見很久沒吃過印度咖喱.. 便走去望望價錢. 我心諗:「咦﹗$32 一個午餐，銅鑼灣黎講都叫抵喎﹗」咁就同阿媽上左去。
入到去，間舖頭細細，但坐滿人客... 點半去到，仲要等三張枱，樓上舖黎講都叫犀利囉 ~ 見 d 人又食得好滋味，心諗:「今次應該冇揀錯地方吧﹗」等左三個字，終於埋位了。
今次叫左兩個餐，食得幾滿意。
首先第一個係印度香料魚 (右上)：好獨特既香料，香而不辣，適合完全唔食得辣既人去試。而魚柳數量不太多，肉質一般，但用簿餅點汁已經很滋味了。
另一個係咖喱牛腩：鍾意佢完全唔落椰汁，變左冇出面 d 咖喱咁溜，但又唔會因此而變得過稀。而佢落左不少洋蔥，令到個咖喱更加香﹗牛腩都忟得好淋，同時亦好有口感。
鐵板無骨雞 (跟餐加 $5 有兩件)：少少辣但唔拿喉，點檸檬汁後，d 香料更加特出，值得一 試。
跟餐的簿餅又熱又鬆脆，初初上果時以為好多，但食下一塊，食下一塊，很快便把全部簿餅 KO 了。
青檸梳打 (跟餐加 $5)：有得揀玉泉忌廉或梳打水，覺得佢地咁做幾體貼。如果有兩個人以上既話，建議每樣都叫 D，兩溝就最好了。
食完後捧住個肚返屋企，上黎 Openrice search 先發現有咁多好評，哈哈﹗
张贴
