漁獲浜燒 (已結業)

漁獲浜燒係其中一間我喺香港十分喜愛嘅日本餐廳。池魚王刺身貴為刺身界嘅尚品，銀色表皮下嘅魚肉通透有光澤，齋望已經好吸引！咬落質感好好，結實有彈性，鮮嫩爽脆。由於味道比較淡，沾啲酸汁夾啲薑蔥蘿蔔味道剛好。燒日本煙燻黑豚肉腸以為同普通脆皮腸冇乜分別，點知咁多汁咁juicy！加埋芥末籽芥末，味道更突出。唐揚一口炸芝士唐揚炸雞就食得多，芝士真係第一次！外層嘅粉漿厚薄適中，唔會太油。芝士流心咬落去就會流出黎，熱辣辣食特別香，送酒一流。金目鯛活貝浜燒盛合因為我特別鍾意食龍蝦，以往每次黎都係叫龍蝦活貝盛合。今次搞搞新意思，試吓金目鯛！金目鯛刺身屬於高級魚種，同池魚一樣係比較淡味嘅白身魚，但係相對淋身。厚切顯肥美。好似平時咁點酸汁味道清爽，加埋辣蘿蔔蓉又係另一種風味。接下落嚟嘅三款燒貝殼煮法接近，以清酒和高湯帶出食材本身嘅鮮味。重口味啲可以點吓海鮮食油、柚子胡椒或者七味味增。不過個人唔會額外點任何野，因為唔想遮蓋新鮮海產本身嘅鮮味。活文蛤大大隻，漲卜卜好飽滿，水分充盈。同平時街市搵到嘅蜆簡直冇得比！完全冇沙，唔點任何嘢都好鮮甜。活北寄貝以精準火候烤製嘅處女北寄貝，爽口得來唔會硬，啲甜味迫晒出嚟，殼兜住嘅