漁獲浜燒 (已結業)

記得朋友鍾意食海鮮，之前黎過漁獲浜燒覺得唔錯，所以就帶佢黎試下！「月之玉響」我同朋友對酒嘅研究尚淺，但係又想開支就助慶，所以請侍應為我地選擇。呢支清酒飲落甜甜地，餘韻有微微嘅果香，唔錯！池魚刺身池魚係我十分喜愛嘅刺身之一，師傅嘅刀工幾好，片片晶瑩通透，薄切得黎保留口感，爽彈鮮甜。原條嘅魚骨作為裝飾，造型滿分！三味吞拿魚腩壽司由於食材新鮮，簡簡單單嘅吞拿魚魚腩已經好好味！火炙壽司一向係我嘅至愛，燒至半熟更顯脂香！蔥吞拿魚腩入口即溶又係另一種滋味！龍蝦活貝浜燒盛合除咗龍蝦，呢個set仲有帆立貝、鮑魚、松葉蟹腳等等，豐富非常。由於店舖有魚缸養住啲海鮮，所以特別新鮮。其中牛油燒帆立貝尤其滋味，香氣滿溢！最後上台嘅伊勢海老果然名不虛傳，雖然唔係好大隻，但係鮮味十足，爽口彈牙！臨燒之前仲係好有活力架，如果做刺身應該會好鮮甜。椰子雪糕椰子味同埋奶味香濃，質地幾滑。總括來講，食物美味，店員友善，係一唔錯嘅用餐體驗。