影片
更多
2018-09-19
1477 浏览
上次同好姊妹食過下午的 Omakase，已經非常滿意。今次男友生日決定再試晚上的 Omakase, 因為對呢間店已經好有信心~我同男友分別點左1200及1500的套餐。前菜係淹茄子，茄子走過油再淹製，是酸道適中的開胃菜。（忘了拍照～）左上）1500set only北海道真蠔，裙邊有一點澀味(男友食左呢邊，比左大部分蠔身我食)，蠔身肥厚 creamy 及非常鮮甜，完美咁蓋過澀味。(好快已經食得出 1500set 的分別)右上)左口魚魚生包住經炙過的裙邊，中間有生磨的 wasabi，魚油不多，走多層次白肉清甜路線～左下）北海道凡立貝，用青柚子提味，清甜之選～右下）日本赤立魚，菜色開始變厚身，魚味濃一味～喜歡左上）1200set only深魚池魚，油分又比赤立高一層次，我同男友都食到嘩嘩聲~右上)師父用刀一拍，活北寄貝反射一動，嘩~ 入口的鮮甜與真蠔不同，又另一番風味，好回味哦～左下）間八，如果你似我喜歡食章魚粘粘的口感，你一定非常喜歡呢一味，魚身厚味，男友話粘住喉嚨佢嘛嘛，我就覺得好正~右下)酒蒸甘鯛，味道一般，但口感有層次，羹湯帶酒香，暖身之選。左上）1500set only深海池魚，軟
我同男友分別點左1200及1500的套餐。前菜係淹茄子，茄子走過油再淹製，是酸道適中的開胃菜。（忘了拍照～）
左上）1500set only
北海道真蠔，裙邊有一點澀味(男友食左呢邊，比左大部分蠔身我食)，蠔身肥厚 creamy 及非常鮮甜，完美咁蓋過澀味。(好快已經食得出 1500set 的分別)
右上)
左口魚魚生包住經炙過的裙邊，中間有生磨的 wasabi，魚油不多，走多層次白肉清甜路線～
左下）
北海道凡立貝，用青柚子提味，清甜之選～
右下）
日本赤立魚，菜色開始變厚身，魚味濃一味～喜歡
左上）1200set only
深魚池魚，油分又比赤立高一層次，我同男友都食到嘩嘩聲~
右上)
師父用刀一拍，活北寄貝反射一動，嘩~ 入口的鮮甜與真蠔不同，又另一番風味，好回味哦～
左下）
間八，如果你似我喜歡食章魚粘粘的口感，你一定非常喜歡呢一味，魚身厚味，男友話粘住喉嚨佢嘛嘛，我就覺得好正~
右下)
酒蒸甘鯛，味道一般，但口感有層次，羹湯帶酒香，暖身之選。
左上）1500set only
深海池魚，軟淋但有咬口，魚味濃油分高，又厚身，比上一款池魚又高一層次。
右上)
北海道牡丹蝦，上次中午的 Omakase 已經食過呢個炙蝦膏的食法，但好明顯比上次更鮮甜，蝦子的顏色都唔同，甜到你以為佢有加左味，但師傅話無。surprise ~
左下)
師父用先前留下的左口魚肉，調味後用紫菜包好，送比我食~ 但我話d紫菜太香蓋過左魚味點算？
右下)
汁煮鮑魚，配鮑肝醬，真係唔講唔知鮑魚有肝，非常非常濃味的小菜，師父再比左粒飯我，等我清左d肝醬佢。
左上)
秋刀魚刺身，燒秋刀就食得多，第一次食秋刀刺身，口感煙韌，配上有葱的醬油，提味很好。
右上)
獅魚，好肥美，魚油慢慢溶係口入面，男友非常喜歡。
左下)
鰹魚，即平時係章魚丸上面果d，血味濃，輕炙後令魚油更出。特別哦~
右下)
赤鯥，日本南方魚皇，口感非常軟，魚味濃，炙過後魚油更出，呢味真係一流
左上)
中Tuna 與大 Tuna 間的級數，又係遠勝中午 Omakase 中同一味壽司，同樣的做法，食材級別真係好重要。入口即溶魚油直入喉嚨，比我上次去築地食的大 Tuna 更好食。
右上)
燒鰻魚，脆的外皮加勁淋的肉質，少少蕉香，我個人覺得有點太燶，但已經好好食啦~
左下)
白海膽，厚身，入口一d都唔稀，濃味 creamy，又甜，係有口感的海膽。
右下)
Tuna葱花手卷，食左呢味，覺得師父頭先比我食紫菜包左口魚係伏筆。壽司源用的紫菜本身味濃，但今次入口完全食到葱花，魚油，紫菜三者的味道，無任何一個搶左鏡。真係嘩一聲。
$3000
35 浏览
0 赞好
0 留言
上)
長崎玉子燒，軟身到似海棉蛋糕的玉子燒，有蛋香又有少少蝦味，師父話打蛋都要半個鐘，非常有心的菜色。
下)
蜜瓜，從右邊食去左邊，分別係蜜瓜的頂及底部，越食越甜，又學到野。
有誠意又有水準的小店，食到我同男友飽到頂住個肚仔走，好想好想再食哦！晚上的 Omakase 真係同中午的有好大分別，直回票價哦！推薦！
张贴
