點好味 (已結業)

係工廠區附近有野做，又黎揾食先。成個大廈好靚，好似無人咁。唔使等位，阿姐帶左去牆邊一張雙人枱。淨係擺餐紙筒，茶壺等，張枱已經迫爆。香茜牛肉腸 （$19）腸粉幼滑，牛肉分量有點少，味道ok嘅。醬皇蒸鳳爪 （$17）不太入味，一般。鮮荀蝦餃王 （$16）爽口彈牙，不錯。山竹牛肉球 （$15）牛肉球很軟身，無牛味。蟹籽燒賣王 （$13）肥肉不算多，有咬口，幾好食。阿姐好勤快收碟，但不加水，舉手幾次都零眼神接觸，去飲茶無茶飲，唔掂囉。