喜點.鮮鍋粥底火鍋點心專門店 (已結業)

三五知己最喜愛圍爐嘆海鮮同火鍋，之前同老公都食過，今次朋友們又即慶話去食，價錢調整左，但食物質素都保留到而且還改動過，Menu紙列明由湯底開始選，就唔係用粥底，都好可以試下其他風味湯底，之後主菜，肉類選安格斯牛頸脊或黑毛豬，其他配料任食不過每次落最多8款。
忘不了海鮮火鍋好緊要係2.5 小時不用趕頭趕命，慢慢食慢慢傾。

還每枱奉上三色刺身，三文魚，北寄貝同象拔蚌，夠凍夠新鮮

今次揀左淮山螺頭豬骨湯，濃湯底加入蔬菜特別甜，雖然有點肥但滾起後片走 d油就可以，始終係用豬骨。

主菜海鮮盤寫明有生猛龍蝦同五款時令海鮮的，上枱時龍蝦還腳撐撐，鮑魚群舞，聖子，海虾，大蜆同蚌。

西洋菜餃，黑松露餃同韭菜餃，還有三款手打虾丸，墨魚丸同芝士牛肉丸，真係好好味，彈牙爽口。

隨心選自己的食材，當中有成4-50款之多，還有我最愛的皇帝菜，娃娃菜，竹笙，脆挽片，芝心丸，不能盡錄，係屋企買餸都差不多價錢，落黎食唔使執拾。

套餐的牛肉較有牛味，唔夠喉就叫肥牛任食

爽口一點都唔肥膩

食完大家非常滿足，最 like 佢地有無限添飲豆漿或者龍眼菊花茶，超解滯。