更多
2017-08-08
2184 浏览
有老友就嚟出远门去澳洲做嘢，一去就几个月，多得另一老友搞局，等大家可以聚一聚。选址由老友决定，拣嚟「鉄人旨花」食厨师发辧（Omakase, $1,280）。都曾经嚟过「鉄人旨花」食铁板烧喇，不过，已经喺两年多前嘅事，由师傅即席做铁板烧，边睇边食，感觉真喺好唔同。其实，真失礼，厨师发辧都喺第一次试。由于一切有老友安排，加上仲喺厨师发辧，所以，真喺乜都嚟使谂，等食就得喇。餐厅跟上次嚟都无点变，一入门口靠右喺寿司、刺身吧位，就喺我哋食厨师发辧嘅位置。再入到啲屈个弯，就喺铁板烧枱嘅位置，共3张铁板烧枱，同一时间可以应付唔少客人。整体而言，装修带和风，但就以简洁为主，天花挂有唔少樱花串做装饰。此外，仲有一啲厢房，喜欢私隐高啲嘅客人就可以拣入嚟，不过，就唔知有无最低消费，或包房唔知要几多。枝豆 $48朋友要迟嚟，所以，揾啲枝豆、鱼干摄吓时间。先嚟枝豆，暖暖哋，绵绵腍腍过吓口瘾。烧河豚干 $78啲河豚干烧得好香口，望落好饮似好硬，其实软软哋，又好咬口，当餐前小食边食边等人就最好。三文鱼冰头渍小小一碗三文鱼头内啲软骨位，揾少少醋腌渍，味道酸酸咁，口感却好爽脆，真喺叫人几开胃小食。前菜三味晌酱汁方面配搭
由于一切有老友安排，加上仲喺厨师发辧，所以，真喺乜都嚟使谂，等食就得喇。餐厅跟上次嚟都无点变，一入门口靠右喺寿司、刺身吧位，就喺我哋食厨师发辧嘅位置。
再入到啲屈个弯，就喺铁板烧枱嘅位置，共3张铁板烧枱，同一时间可以应付唔少客人。整体而言，装修带和风，但就以简洁为主，天花挂有唔少樱花串做装饰。
此外，仲有一啲厢房，喜欢私隐高啲嘅客人就可以拣入嚟，不过，就唔知有无最低消费，或包房唔知要几多。
枝豆 $48朋友要迟嚟，所以，揾啲枝豆、鱼干摄吓时间。先嚟枝豆，暖暖哋，绵绵腍腍过吓口瘾。
烧河豚干 $78啲河豚干烧得好香口，望落好饮似好硬，其实软软哋，又好咬口，当餐前小食边食边等人就最好。
烧河豚干
11 浏览
0 赞好
0 留言
小小一碗三文鱼头内啲软骨位，揾少少醋腌渍，味道酸酸咁，口感却好爽脆，真喺叫人几开胃小食。
前菜三味晌酱汁方面配搭都颇有心思，包括：京都豆腐配芝麻酱、加拿大牛肉配黑醋草莓汁、挪威三文鱼渍配柚子醋，卖相的骰精巧，为今晚嘅厨师发辧揭开序幕。啲豆腐好滑溜，牛肉质感软腍，三文鱼渍估唔到咁味浓。
赤座虾跟住呢道火炙赤座虾造型非常靓，虾只嚟自九州宫崎，虾肉拆出嚟啱啱好有两口，轻轻火炙后再放上黑松露酱及金箔，更显矜贵。入口先有一朕焦香，然后喺黑松露嘅幽香，再细嚼喺一份鲜甜清爽感。
赤座虾
23 浏览
0 赞好
0 留言
见到师傅开始晌吧位嘅碟摆上渍物，就知喺食寿司嘅序幕，日本芥末、姜片都喺食寿司之用，而黄色嘅渍腌黄瓜好脆口。随之，就喺逐件逐件寿司上碟，食得好悠闲。足有9贯寿司，一边食，师傅一路介绍，希望无记错佢哋啲名啦！
深海池鱼寿司淡色嘅池鱼望落好光泽，足见其新鲜度，鱼质嫩得嚟带爽口；寿司饭搓得细细件，松软唔会太死实，一口过放入口啱啱好。
竹签鱼寿司第二款寿司喺竹签鱼，喺一款极少接触嘅鱼料，加少少火炙处理，再摆点紫苏叶花做点缀，形态极靓。味道依然好鲜，带点油润，微微嘅油脂感，感觉轻盈。
油甘鱼寿司一撮红纹喺其标记，油甘鱼鱼质柔嫩细腻，甚有鱼香。基本上，寿司内已涂有少少日本芥末，轻轻沾丁点酱油提鲜就好足够。
金目錭寿司转眼，碟上嘅渍物已换上腌渍樱桃萝卜。金目錭被轻轻炙过，配柚子酱，中和金目鲷嘅油脂，食落富油香而不腻。
金目錭寿司
20 浏览
1 赞好
0 留言
食完一轮寿司，来一客烧带子刺身，点解话佢喺刺身，因为只喺轻轻烧过，入口仲保持带子嘅爽口感，好软腍，夹块紫菜同食，都几有趣。
烧带子刺身
19 浏览
0 赞好
0 留言
开始寿司嘅味道越食越浓，䲞鱼寿司亦有经火炙处理，油香、鱼味都较重，烧过后带微微爽脆感。
酱油渍赤身寿司红色嘅赤身经酱油渍，色泽更深红，却喺保持光泽。放入口，真喺好有鱼味，酱油亦刚好，唔会冚过啲鱼味。
酱油渍赤身寿司
30 浏览
0 赞好
0 留言
小弟对寿司、刺身唔喺好精，不过，睇见件拖罗嘅细致雪花纹就觉得几高质，色泽粉嫩，油分十足，入口好有即溶嘅感觉，咁好味，真想再嚟多件。
拖罗寿司
25 浏览
0 赞好
0 留言
拖罗筋寿司最后一件寿司喺有惊喜嘅作品，师傅都专登唔讲喺乜，等我哋估吓先揭盅。先喺爽爽哋，部份位置好咬口，口感非常有趣，原来喺吞拿鱼一个筋位，认真刁钻。
烧香鱼接住上场喺一道摆得精致嘅烧鱼，条鱼叫做香鱼，又喺少接触嘅食材，个人而言，唔算好有惊喜，亦比较多骨，反而青绿色个酱几得意，嗒落辣辣哋，喺一种叫「鲇蓼」嘅植物整成，另外有一小片花形日本准山，爽脆带点黏黏感。最得意喺新鲜嘅香鱼，会散发出一股西瓜嘅香气，如果唔喺师傅拎条生鱼俾我哋闻吓，就喺唔信会咁神奇。
杂鱼汤之前晌度食铁板烧都知道近尾声会上汤品，有别食粤菜咁先饮汤。汤底呈少少奶白色，至于用咗咩鱼去熬煮，师傅就无透露，不过，饮落阵阵鱼鲜香味。再加少许配菜，令个汤一啲都唔单调。
迷你北海丼怕你唔够饱，整多一碗迷你丼，个丼真喺几迷你，与其话用嚟填饱肚，不如话喺填饱味蕾，因为饭面嘅海胆、蟹肉、三文鱼籽夹埋可能多过啲饭，几样食材超新鲜，尤其啲蟹肉，鲜甜到痹。
迷你北海丼
17 浏览
0 赞好
0 留言
有两款选择：水蜜桃雪糕或樱花啫喱杂果，小弟喜欢水蜜桃嘅香味，所以，拣上前者。一大球水蜜桃雪糕再洒上脆米，雪糕颇柔滑，水蜜桃嘅味道好清甜，真喺唔错嘅餐后甜点。
嚟食厨师发辧只有坐吧位，所以，大多人一齐就唔太方便倾到偈，故此，最好两、三个嚟。而师傅真喺要啲时间逐道菜为大家做，要有心理准备「慢慢」叹。今晚所试嘅食材，有不少都喺平常少见嘅嘢，好有大开眼界嘅感觉。
张贴
