金鶴拉麵 (九龍城道) (已結業)

今日又係土瓜灣收工，即刻諗起上次食過既鰻魚飯，就決定再黎一次。呢間餐廳既格調真係好舒服，暗淡平靜既環境，真係可以令煩惱暫時拋低。我地兩個人一心諗住再戰鰻魚飯，就諗都唔諗直接落單。鰻魚飯即叫即燒，需時15分鐘，正好比我地吹下水。好快，兩份鰻魚飯就送上枱，店員係我地面前打開盒飯，香味撲鼻。賣相當然係冇得彈啦，同佢menu影出黎既一樣咁滯。我地二話不說就開餐，夾開舊3 cm厚既鰻魚，伴上少少飯送入口，真係享受。鰻魚外層有少少炭燒味，脆既，而3 cm既肉口感一流，真係拍得住日本本地既高級鰻魚飯。值得一提係連個湯都係用鰻魚骨煮既。坐得舒服食得開心，不錯的一餐。