大瀛喜日本料理 (已結業)

食過唔少尼個集團既放題，今次黎到位於旺角鬧市之中既大瀛喜。餐廳非常熱鬧，店員服務都唔錯。放題提供左唔同種類既野食，包括刺身，卷物，炸物，燒物，煮物，飲品任飲，甜品雪糕任食。刺身，尼度有齊哂佢咁多款既刺身，除左平時食開個d之外，仲有池王魚同埋立魚，非常鮮甜爽滑。壽司，手工精緻，用料上乘。佢地既燒物都做得唔錯，例如牛舌，羊鞍，雞翼，食得出炭燒既味道。燒菠蘿甜而開胃。另外亦有唔少炸物可以點。坐得耐開始有d凍，最岩食煮物，牛肉鍋既肥牛超正，黑豚辣酒鍋辣辣地好開胃，仲配有響鈴，而且熱騰騰咁上，仲有唔少菜，食得好健康d。最中意食一口牛，粒粒既油脂比例都好勻稱，非常軟熟，一d都唔韌。整體，收碟落單快，唔怕食唔切，侍應服務唔錯。