鮮入圍煮 (已搬遷) 新店位置

好野梗係要食多次之encore 鮮入圍煮, 事源有內地既朋友黎香港玩, 當然要聚下啦, 佢話有人介紹佢食鮮入圍煮....識貨!咁就訂檯啦~ 準時6點鐘上到去, 入座率已經9成, 所以要食既朋友真係要訂檯先, 店員安排入座, 先揀湯底, 朋友話要點必試既「濃厚原隻雞煲花膠湯」! 湯底到店員俾我地睇下隻靚雞就幫手剪左去, 湯保持高水準, 味道濃郁, 而花膠份量多, 飲左兩碗湯先開始打邊爐~ 餐廳每日都有好多款唔同既海鮮俾客人揀, 朋友唔食海鮮所以我地冇嗌, 不過見到隔離檯d蟶子好新鮮我地嗌左手切安格斯牛肉、鮮淮山、鮮魚卜, 特別要讚下個手切安格斯牛肉 – 高質牛, 入口牛味重冇筋, 有d脂肪係口內分解出黎好香, 而用冰底上亦保持左牛肉既新鮮程度, 冇話好快就有血水, 份量亦好多, 一碟足夠2-3人食! 餐廳佈置好有香港地道大排檔風味, 如果有朋友係外地黎想試特別野真係一個唔錯既選擇!