首爾石鍋燒 (已結業)

食過首爾幾次了，聽講開左分店，就去佢間分店試下拉！分店系過一條街，近登打士街個頭，門口都系有部大電視播住 k-pop, 好容易搵。先來四款前菜，泡菜，醃青瓜，韓式粉絲，韓式辣蘿蔔。泡菜酸味適中，帶辛辣，好味！醃青瓜同蘿蔔都唔錯，爽口，辣辣地，好開胃！我叫左芝士免治牛肉石頭鍋飯，免牛飯系快餐店就食的多，用石頭鍋上就第一次。出來賣相相當好，芝士焗到金黃色，好正！ 味道正常，ok好味，個鍋 keep 住 d 飯的溫度，唔會食食下 d 飯凍晒硬晒, 所以到最好我食晒 d 飯!男朋友就叫左烤肉石頭鍋飯。有好多烤肉同配菜鋪系個飯面，同埋有支韓國辣椒醬自己加辣。佢話都好味道同足料。我見佢加左好多辣椒醬，佢話個辣椒醬系個飯 gei “靈雲"，就甘個韓國辣椒醬撈飯都可以好好味wor.因爲覺得d泡菜都幾好味，我地另外叫左個小食叫泡菜煙鴨胸香酥餅，泡菜同鴨胸這個crossover都幾特別，第一次聽亦系第一次試，味道都match, ok好味！