影片
更多
2015-07-28
1163 浏览
我本身好中意食日本野, 但由於太耐無食過嘅關係, 同朋友收工一齊經過旺角兆萬, 見到呢間八幡屋啲野食好似幾吸引, 就決定同朋友一齊去試下。入到間餐廳, 燈光都幾光猛, 裝修亦幾四正。憑呢間餐廳嘅外觀, 我都推斷到啲野食應該會唔錯, 果然我無估錯, 呢度樣樣野食都幾合我心水 先黎個刺身開下胃先, 鮑片、魷魚口感非常之好, 煙煙韌韌之餘, 亦唔會好難咬開, 必叫之選。除之此外, 食刺身點可以唔食蝦同埋帶子, menu上兩款嘅蝦我都有order, 佢係升級版 (每位加$40) 嘅赤蝦同埋帶子就出色更多, size固然大隻好多, 所以佢啲蝦膏特別多, 基本上你唔駛點豉油, 都已經食到佢嘅鮮味!!好喇, 都食熱食嘅時候, 呢個日式煮硯、芝士焗蠔、焗蝦係我食過咁多間放題最好, 平時其他餐廳一係焗得唔夠熱, 一係味道太咸, 但係呢度啲焗蠔新鮮熱辣之餘, 啲芝士味亦非常適中, 真係叫一打我都食得晒!!壽司非常出色, 而羊鞍, 燒汁豚肉亦啱晒食肉獸嘅我, 肉質好鬆軟, 亦都好入味, 有啲据扒嘅感覺 試完肉類, 當然要試下炸物, 講真, 我覺得樣樣野都好好食: 炸蠔、炸雞翼、炸蕃薯都非常好食, 而個雞
入到間餐廳, 燈光都幾光猛, 裝修亦幾四正。憑呢間餐廳嘅外觀, 我都推斷到啲野食應該會唔錯, 果然我無估錯, 呢度樣樣野食都幾合我心水
先黎個刺身開下胃先, 鮑片、魷魚口感非常之好, 煙煙韌韌之餘, 亦唔會好難咬開, 必叫之選。除之此外, 食刺身點可以唔食蝦同埋帶子, menu上兩款嘅蝦我都有order, 佢係升級版 (每位加$40) 嘅赤蝦同埋帶子就出色更多, size固然大隻好多, 所以佢啲蝦膏特別多, 基本上你唔駛點豉油, 都已經食到佢嘅鮮味!!
好喇, 都食熱食嘅時候, 呢個日式煮硯、芝士焗蠔、焗蝦係我食過咁多間放題最好, 平時其他餐廳一係焗得唔夠熱, 一係味道太咸, 但係呢度啲焗蠔新鮮熱辣之餘, 啲芝士味亦非常適中, 真係叫一打我都食得晒!!
壽司非常出色, 而羊鞍, 燒汁豚肉亦啱晒食肉獸嘅我, 肉質好鬆軟, 亦都好入味, 有啲据扒嘅感覺
試完肉類, 當然要試下炸物, 講真, 我覺得樣樣野都好好食: 炸蠔、炸雞翼、炸蕃薯都非常好食, 而個雞軟骨灑上左少少香辣粉, 味道更提昇左一個層次。
黎到最好, 當然要係甜品時間, 呢度嘅甜品選擇真係好多, 但係我一定要推介個富士蘋果一口大福, 口感煙韌當然值得一讚, 最正嘅係入面嘅果肉清甜, 真係好想一食再食!!
埋單兩位都係五百幾蚊, 計番都係一個$260左右, 我覺得以呢度食物嘅質素, 同埋上菜速度之快, 係絕對抵食。如果朋友都約我食日本野, 我都叫佢地黎呢間再食一餐。张贴
