Mini Friday (銀城廣場) (已結業)

大半年前同朋友食過依一間位於旺角既mini Friday , 覺得氣氛同味道都好不錯, 一直都想同老公再食一次, 今日終於有時間啦！隔左一排連menu 都轉左, set dinner 選擇都幾多, 羊魚豬牛都有, 今次我地叫左一個香煎三文魚扒同肉眼扒, 一order完 侍應好快送上南瓜黑松露湯同salad, 我好欣賞個湯好濃好滑！再唻主菜三文魚扒 肉質都幾滑, 個皮煎到脆卜卜, 加埋個汁 我自己好鐘意都好推介！老公既牛肉眼扒, 牛肉味唔算太濃但肉汁非常juicy ,配埋黑椒汁就冇得輸！最後送上是日甜品- 芒果芝士蛋糕, 份量細細地岩哂！味道唔太甜, 好完滿既一餐！