影片
更多
2021-03-31
62 浏览
之前嚟食個香香官煮，今次再翻兜純粹係因為佢哋服務同埋食物嘅質素都十分之好。一坐低已經有專人幫手消毒碗筷同埋提供搓手液，咁大家就食得安心啦。今次試咗個新嘢泰式冬陰功卜卜蜆煲（$198），卜卜蜆煲入邊超多蜆食到最尾都仍然有好多食唔晒，可能因為叫咗太多其他食物😅 而且蜆肉入邊完全冇沙，而且蜆肉好鮮甜。至於個冬陰功湯底就不錯，只係密度有些微不足，啱晒啲唔敢食辣嘅朋友。今次好想食牛肉，所以就叫咗個玉面公主四國牛肉拼盤（$498），呢個牛肉拼盤入邊有唔同和牛嘅部位。上枱嗰陣時出晒煙啱晒打卡😂但係牛肉嘅質素方面一啲都唔輸蝕，和牛雪花分布平均，而且份量十足。但係建議大家唔好淥得咁熟，咁就可以食到最出色嘅和牛啦☝️至於其他火鍋配料我大力推介呢個黃金炸響鈴（$78），個響鈴係即叫即炸既，仲熱辣辣。所謂黃金其實即係鹹蛋咁解，鹹蛋配響鈴好match，雖然好邪惡但係打邊爐浸落個湯度一流呀！ 另外呢度嘅手打丸都整咗10分出色，今日叫咗兩款各四粒，每款都係（$68），第一款叫咗黑松露芝心墨魚丸。松露香氣十足，而且墨魚好彈牙，入面仲有流心既芝士！👍另外第二款係手打蟹子鮮蝦丸，一粒蝦丸入邊啲蝦手打到起晒膠，睇得出師傅真係
今次試咗個新嘢泰式冬陰功卜卜蜆煲（$198），卜卜蜆煲入邊超多蜆食到最尾都仍然有好多食唔晒，可能因為叫咗太多其他食物😅 而且蜆肉入邊完全冇沙，而且蜆肉好鮮甜。至於個冬陰功湯底就不錯，只係密度有些微不足，啱晒啲唔敢食辣嘅朋友。
今次好想食牛肉，所以就叫咗個玉面公主四國牛肉拼盤（$498），呢個牛肉拼盤入邊有唔同和牛嘅部位。上枱嗰陣時出晒煙啱晒打卡😂但係牛肉嘅質素方面一啲都唔輸蝕，和牛雪花分布平均，而且份量十足。但係建議大家唔好淥得咁熟，咁就可以食到最出色嘅和牛啦☝️
至於其他火鍋配料我大力推介呢個黃金炸響鈴（$78），個響鈴係即叫即炸既，仲熱辣辣。所謂黃金其實即係鹹蛋咁解，鹹蛋配響鈴好match，雖然好邪惡但係打邊爐浸落個湯度一流呀！
另外呢度嘅手打丸都整咗10分出色，今日叫咗兩款各四粒，每款都係（$68），第一款叫咗黑松露芝心墨魚丸。松露香氣十足，而且墨魚好彈牙，入面仲有流心既芝士！👍另外第二款係手打蟹子鮮蝦丸，一粒蝦丸入邊啲蝦手打到起晒膠，睇得出師傅真係人手打出黎既。蝦肉當然係彈牙啦～
另外想特別推介呢度嘅美濃水蓮（$68），朋友叫呢個青菜我都係第一次食。點知原來係好好食好爽口而且好脆👍之後有機會我都會去再買返嚟自己整呢個菜。
其實見到餐廳入邊仲有好多唔同湯底嘅選擇，下次嚟可以再試吓其他唔同嘅湯底。應該都各有各特色
张贴
