大滿喜日本料理 (已結業)

上星期日叔仔生日去海洋公園哈佬喂，因為星期一要返工唔想玩咁夜，所以揀咗冇限時入座既大滿喜，唔洗趕住離開海洋公園又可以早少少食！係海洋公園收穫豐富一行四人拎住三隻半個人咁高既公仔去放題，預先訂枱都擔心公仔冇位放，餐廳好心安排6人卡位，唔洗迫住坐真係好爽玩足成日都開始肚餓，女士點菜時男士們已經急不及待出去拎嘢食，碗仔翅、螺肉、八爪魚都唔差，凍蝦佢地起勢咁剝話好新鮮，搞到唔食熟蝦既我都忍唔住食咗隻，又真係幾彈牙刺身帶子、油甘魚都俾我清晒，佢地就話榮螺同象拔蚌都好好食豬肋骨甜甜地燒得都幾淋，羊架我反而覺得差咁羶味，牛舌就一定要叫，香濃牛味啱啱好唔會靭海膽手卷都食咗兩轉，海膽唔會溶到化開，細細地食多個都得，係放題嚟講算唔錯，另外壽司都唔錯，起碼面頭既餸係蓋過啲飯，而且分辦得出食緊邊款，吞拿魚蓉都好鮮味，最愛既左口魚反而切得比較薄炸物都可以一試，唔會好油或粉漿太厚，但始終係飽肚之物所以都唔食得咁多食到飽飽地開始食飯後果，燒菠蘿幫助消滯，佢地係出面攞蜜瓜就話好甜。甜品有韓國既蜜瓜雪條同百福豆腐花，唔係咩貴價貨，但都叫飯後一點甜，始終呢個價錢比起上一次幫襯今次真係大有進步，值回票價