大喜家日本料理 (已結業)

是日, 行街經過佐敦, 拎左呢張傳單見放題嚟講都叫抵, 就試一試佢雖然我鍾意食日本野但係就只限熟食，魚生我唔係咁好，係就係曬錢D, 所以我勁食熟食首先緊係食左My favorite 嘅燒鰻魚壽司先，鰻魚夠濃味夠熱，個飯一口過食到，整體嚟講唔錯, 而且上碟擺位都幾靚。嚟食放題緊係要食下天婦羅啦, 我要食曬咁多款天婦羅, 佢嘅炸粉唔厚, 而且放左好耐都唔會出好多油, 食落好易入口, 值得推介,食完天婦羅就繼續食炸物, 叫左個一口炸芝士,雖然佢嘅炸皮比較厚, 但係入面嘅芝士真係做到好溶好夠熱，直頭想叫多個嚟食。之後例牌叫肉類例如雞翼,牛舌等等另外值得推介一下嘅係魷魚同韓式豬頸肉, 兩個都係熱食同埋有少許spicy, 用嚟開胃唔錯, 越食越開胃。