新光酒樓 (已結業)

今日又去香港仔飲下午茶，今次選新光。三個月前曾經來過飲下午茶，點解隔咁耐冇來過幫襯。是因為上次兩個人飲茶，它收三個人茶錢，同佢講返，它們俾面色我們看。今次兩大一小三點去到，很容易就找到位坐。一坐下就叫茶，之後去拿了碗十二元的叉燒湯麵給仔仔食。見阿嬏將已煮好的凍粉麵一碗碗的排放在桌面上，起碼都有三十碗。每當有人叫時，就將碗凍粉麵放近切燒臘的師父隔離。等師父切完放在碗上後，阿嬏就會加湯給妳，真的慳水慳力。之後食了兩籠（$7.8／籠）蝦餃，味一般，勝在夠熱，可接受。講明先，點解叫兩籠，不是它好食，只是個仔鐘意食蝦餃，他連叮叮蝦餃都可以一個人食成盒。一籠（$6.8）雞什，這個夠大份，都幾多料。一碟($6.8)叉燒酥，這個凍冰冰的，又冇料，都不脆的。三點半食完桌上面的食物，想再取點心，點知只得幾籠牛肉呀、粉果呀、蒸到收水的水晶飽呀、馬拉糕等平價點心。雖然有九個八一碗的生滾粥，但我們冇想過食。之後我們等到三點十都見冇點心出，所以就走了。我諗下午茶點心多數是早市和午市賣不出剩下的，所以如早午市冇生意，那麼下午茶就會有很多點心供應。如早午市好生意，咁下午茶市就好似今日咁，冇啖好食。所以應該冇下次下午茶