新光酒樓 (已結業)

整日下雨，就像老天爺打開了水龍頭忘了關上一樣。放棄遠征，又來到這新光酒樓老窩蹭飯吃。場半爆，麻甩居多。我們三名女子點了燒鵝（＄118/例）、沙薑川味豬手（＄68）、杭州小排骨、沙嗲金菇肥牛煲、濃湯魚肚浸魚腐（＄188/3個小菜），結果當然是吃不完啦！打包，明天循環再吃。《燒鵝》-例牌份量算是很足夠，味道還好，也不肥，可惜皮不夠脆。《豬手》-調味較辣，皮爽肉厚，配搭啤酒享用，一流。建議凍食，雪藏一晚，則更入味，而冰涼的口感既消暑，亦減低肥膩。《排骨》-酸酸甜甜的糖醋排骨，惹味之餘，令人胃口大開，是夏日最好選擇。《肥牛煲》-超大煲，勁多粉絲，但肥牛肉很少，而且切得太碎。金菇亦不多，整味菜明顯較油膩膩。《魚腐》-白菜清甜爽脆，魚腐嫰滑可口，濃湯口味清新，魚肚份量較少。《桂花糕》-甜品是酒樓贈送的，魚膠粉落得太重手，但不太甜，很清爽。今晚酒樓客人眾多，生意比疫情最嚴重時明顯回溫。可喜可賀！惟獨服務員太少，個個忙碌到前仆後繼，服務的確有不周到的地方，但我們明白、諒解、支持。

時常會到香港仔這家新光飲茶，朋友喜歡。找個位置也不容易，爆滿的大廳；擠迫的廂房，惟有搭枱。開壺香片，坐無虛席。你別看這酒樓生意滔滔，賺錢的晚市其實水靜河飛，而茶市的經濟效益其實不大，還要碰上這新冠疫情…來幫襯的差不多都是老人，我和朋友恐怕是全場最後生的兩位。我們叫了點心拼盤（$39.8）、上湯韮菜餃（$14.8）及鮮竹牛肉球（$14.8）。拼盤適合二人用，除了老味道的燒賣及蝦餃外，雞包仔放了很多薑絲，口感豐富、有層次，十分好味。而薑汁糕則Q彈微甜，對心對胃，亦是水準之作!小小的韮菜餃，碗內浮著好幾隻餃子和數條生菜，味道清新，相當不俗。但我是個牛魔王，最最欣賞的當然是那牛肉球，啖啖牛肉濃味…最牛逼!這家酒樓茶錢每位$8，服務員放了不少香片，茶味很濃、有回甘，能在香甜中沁出絲絲苦澀。由於全場爆滿，環境有點嘈雜，而且隔著口罩，與朋友傾偈吃力。 很多時候，惟有同枱食飯；各自修行。我和朋友是這家酒樓的鐵粉，由學生時代幫襯到現在退休，已經四十多年，不能不算長情。樓下的富臨，卻捱不過這冰河時期，已經歇業。希望新光的運氣較好，讓我們這些老街坊能再幫襯十年、廿年。願我們地久天長!

香港仔酒樓一直都缺乏火煱、雞㷛放題。要食只好到區外。可能近期飲食業生意下降，各店都要推出救亡措施。經過見到老牌新光酒樓都嚟攪吓新意思 ～ 雞㷛、火煱放題，就試一試佢！基於「新光」= 難食，本身都係諗住試吓，比多次機會佢啦，冇期望下入嚟嘅～～可選雞㷛或水煮魚，每人敬送海鮮船、三文魚各一份。自助吧除咗提供任取火煱料，仲有熱辣辣糯米飯供應🤤嘩～不得了，糯米飯粒粒分明，軟硬適中，忍唔住隊咗1碗仔！雞㷛足味，加上大量配菜洋蔥🧅、蒜頭🧄、莞茜蔥⋯越㷛越野味！食完雞㷛，加湯打邊爐，自取各式火煱料一應俱全，蔬菜🥬新鮮翠綠，最驚喜嘅當然係「即刨肥牛」！2小時任食任飲，埋單$168/人，茶芥、加一全包。希望可以保持水準，一洗污名！！

新光為區內最歷史悠久的酒樓，自己已有很多年沒有來光顧，原因：非常簡單—因為不好吃!多年過去，她依然屹立不倒，當然有她過人之處。經過看到有點心優惠，何不趁機會看看貭素有否改進。蘿蔔絲酥餅 - 這些舊式點心，現在可以吃到的酒樓不多，味道中規中矩吧，略嫌不夠酥脆。鴨腳札 - 目測也見到它瘦弱無比蝦餃、菜苖餃 - 外表及內函也屬正常之作鳯爪排骨飯是我吃過最難吃的，肉質乾身沒味道，沒有肉汁落入飯中，影響到整個飯身如同白飯一樣。便利商店的叮叮飯比它好吃多倍！其他點心也是不過不失吧，如吃點心，同區任何一間酒樓、點心店也比新光好！

每次去探親戚，他們都喜歡到新光酒樓食晚餐。今天晚上老人家們好想食返一啲懷舊嘅菜式，於是佢哋點左一碟五柳鯇魚，你一碟餸差不多係十幾年前好多人叫嘅餸，但係而家已經係餐牌上都見唔到，但係佢嘅味道真係好好食，師傅亦都能夠將條魚咋得恰當好處

今晚同雙親等去香港仔食飯，上開飯找找發覺新光酒樓其實正確名是新光宴會廰。同部長吹水，他話新光酒樓巳執咗很久了，宴會廰的組合是不同股東，新股東是做開供應商有抱負的不像以前班管理層一味自己搵水。百樂門宴會廳其實是新光管理層有份攪的，都是開一間，三五年又執一間原來這樣是可以搵到錢的。食物方面和價錢比還可以，大眾化價錢。不用等位，叫了幾個小菜和白飯，可能就這區的水上人口味，食物偏咸，雙親食得開心！吟就值回票價了。

間中都要陪下屋企人飲下茶,食個飽傾下計!!!~灌湯餃,啖湯飲落幾清!!!~個餃破開後裏面幾多料!!!~豉油皇炒麵,加左蛋絲,蔥段,韭黃,芝麻,成碟野無咁寡!!!~煎釀茄子沙薑雞腳,一打開錫紙,好香,食落好入味,好好吮!!!~

6:40到達，有位坐，叫了套餐，片皮鴨，鮑魚，什菜煲，蒸魚，京都骨⋯⋯⋯很快上菜，侍應態度良好，叫左佢拎筷子2次都沒黑面，最後有生果送，4人一起吃埋單$5**，算便宜。最緊要上菜快，侍應勤力收碟，總括而言，滿意。

相信很多現代的家庭都是無飯夫妻，每晚放工回家也很累吧，我倆今晚原本想和家人到鴨脷洲大街吃個簡單的晚餐，怎料想吃的店都爆了，那唯有搭街渡過香港仔看看有什麽好吃啦～家人最愛香港仔的新光酒家，勝在價廉物美。今晚新光也很爆，這裡地方很大，幸好還有吉枱。 今晚點了一鴨兩食，片皮鴨，油份頗重，但燒得味道很香脆。 另外一食就是，把鴨斬件再以涼瓜炒，鴨肉以老抽調味，鑊氣夠，完全把鴨的鮮味帶了出來，涼瓜味甘不苦，淡淡的味道跟濃味的鴨肉很配。 西蘭花炒龍躉球，菜式的賣相不錯，西蘭花夠新鮮翠綠，龍躉則煮得有點過火，肉質有點老，但魚味仍鮮。 脆炸九肚魚，這道菜的九肚魚很大條，魚質嫩，但外面的脆漿的口感很靭，不像椒鹽的做法那麽香脆可口。 素鵝，以多層腐皮脆炸，香脆可口，腐皮的豆味濃。 這些老派酒家，真的買少見少了，而這裡的價錢十分便宜，吃那麽多東西每人都只是百多元，值得再來呀！

came to this restaurant with my family as they are living in Aberdeen. we had a dinner with seafood theme. every dishes were brilliant especially the daily soup, 聖子，龍蝦. Price was also very reasonable and the environment was absolutely brilliant, family friendly, and staffs were energetic and friendly

7月1日國慶放假，同屋企人一齊梗係去飲茶啦近近地，我地選擇左去香港仔新光飲茶燒肉食落都五錯，肥瘦分明，但係就凍左叉燒腸粉，不過不失啦，皮五會太厚菜肉雲吞 ，幾足料，皮五會太厚，幾好食黑椒牛肚，個牛肚幾入味，五會凍，鍾意食內臟既你可以試下牛肉球，加埋喼汁一流，愈食愈好味

昨晚一行4人去呢間新光食飯。叫了個3餸套餐（埋單$460）試試，但其實價錢同散叫差唔多，只不過費事唸叫乜。佢地既芝士焗班塊，大家真係唔好試，全是炸粉，冇魚既成份，硬到顛，老人家唔好試。我食咗兩啖，忍唔住同個女侍應講，叫佢攞走俾廚房試吓，我都諗住照俾錢。佢轉頭同我講番，話廚房話係咁，我最後真接同侍應講‘攞走啦，當我請佢地食’。另外蒸雞，我相信茶餐廳午市好食個佢好多。我相信呢次係我最後幫襯新光，以後除非有人請飲。但我相信大家，都唔想俾人話自己請飲間酒樓難食。

家常便飯於新光酒樓，一行六人享用了以下美食：霸王花煲豬肉雞腳湯：食味OK，帶點微苦。蛇羹：蛇肉份量合理，濃淡稀稠恰宜，明火奉上夠暖身。富貴龍躉球炒菜心：龍躉肉厚魚香OK，菜心不夠腍及清甜。濃湯野菌浸魚肚：主要食材魚肚薄身質素一般。京都焗豬扒：豬扒腍身，食味合預期，OK。沙薑雞：雞肉略鞋。

世界杯終於完晒唔洗再捱更抵夜為左證明自己眼光牙骹戰就在所難免好彩有眼光呃番餐食搵左新光點知又撞正有function坐左張細台就迫d睇下菜牌點左個孖寶燒乳豬單叫就三百幾蚊如果加多半打鮑魚仔兩樣加埋就二百八咁就傻果個都知點揀啦隻豬比想像中好皮又夠脆豬頭就比個fan帶走煲粥鮑魚又夠淋帶埋自來紅酒(唔收開瓶費)真系幾夾再加多條多寶魚原來價錢系$1.唔食就對唔住自己啦雖然系雪貨味道都ok不過又真幾大條再叫多個江南小炒d蝦乾唔系咁靚腰果反而仲好見藍妹啤酒特價又叫左一打再叫d佐酒小菜青瓜唔錯唔過甜口水雞食落就知佢系淋汁系雞面滷水掌翼都夠淋每款$38唔敢要求太多總數八百幾幾抵聚下飲下又吹下水咁啦

早上耍完太極，一眾劍友大叫肚餓，按慣例到香港仔飲茶。今次一改往日作風，前往香港仔中心的新光酒樓。坐下看餐單，有早市優惠點心及每天大優惠，看到蜜汁叉燒飯才9.8一碗，很是扺食，再看看時間，已將近10:30。沏好茶，真是水滾茶靚，靠窗座位地方清靜，方便大家聊天。今天只有三個人來，叫了每人一碗叉燒飯，外加一籠懷舊梅菜肉粒包和一籠蓮蓉西米角。叉燒飯上來，三碗裡有半肥瘦和瘦叉，各取所愛。一嘗之下，叉燒美味，飯又熱又香，還有那麼二條菜芯，真是色香味俱全之作！美食當前，哪還顧得上閒話，三扒兩撥，大快朵頤！吃完了飯，已是飽了八成，再吃那梅菜肉粒包，可惜因貨就價，一籠裡只有兩個，胃小的那個朋友放棄了，味道還不錯。再來吃飯後甜品，蓮蓉西米角每人有一隻，不算太甜，煙煙韌韌，頗有嚼頭。一個多小時，茶足飯飽，大家一致認為，下次還要來這家！還要再吃它的叉燒飯。埋單每人二十三元，真是扺食過什麼大X樂、大X活、美X香港地這些老字號的快餐店多多！面對與日俱增的通貨膨脹，我們小市民總算還能吃到這樣美味又扺食的叉燒飯加熱茶甜點，倒真是窮開心得很呢！