澳洲牛奶公司

营业中

休息中

呢幾日油尖旺粒粒亂，見到早上竟然冇人龍仲要有幾張吉枱，就入去坐低食個早餐。平時我都係叫三文治外賣返公司食。但原來今日係最後一次食啦。雖然啲炒蛋都係一貫嘅好食，但係侍應態度惡劣嘅地步，已去到我唔會再接受既地步。只不過係一時嗌錯咗個餐冇嘅飲品，就劈頭俾佢好似講粗口嘅語氣大鬧：「唔好嘥時間！」行咗去。我連講句唔好意思想再嗌過嘅機會都冇，真係又尷尬又委屈。我唔係話我冇嗌錯，但咁都唔係值得要比你咁話嘛？其實要佢講一句:「你嗌果樣嘢個餐冇個喎，你要嗌就要另計！」原來好難。自問都算係多年嘅街坊熟客，支持左差唔多10年，亦帶過好多朋友嚟食，但我已經覺得佢可能實在太多遊客生意，根本唔稀罕，甚至覺得態度差係賣點，冇品係型格，浪費佢幾秒好似浪費左佢幾萬咁，啲氣焰得人驚到呢。幾好食都變得無味。你有權利惡言相向，我都有權利唔再幫襯。唔好以為個個淨係為咗你嗰兩隻炒蛋就要任你鬧。