小食皇

营业中

休息中

今日行左好多路，係佢隔離好出名既小店買完格仔餅之後，就行過黎買斑蘭味雞蛋仔，盛惠$19。即叫即做，等左一陣攞到手。可能今日天氣凍，好大風，所以就算新鮮整都唔係好熱，唔會辣手。我好鍾意食斑蘭蛋糕，所以見到有斑蘭味雞蛋仔就好想試啦。結果好失望。拎上手見到色澤好靚，好斑蘭既感覺，點知一食落口完全食唔出有斑蘭味，我只係食緊原味雞蛋仔。作為原味雞蛋仔黎睇，佢都唔係好出色，只係中規中距。佢唔夠脆，導致冇咬感，比較淋身。