影片
以上资料只供参考，请与餐厅确认详情
「小食皇」系我心目中一间充满安慰感嘅街坊小店，唔止系小食好味，对我嚟讲，佢仲系一份温柔嘅陪伴。最钟意佢哋嘅炸鱼丸，外层炸得香脆、鱼香突出，咬落弹牙又唔会太油腻，简单但令人满足。无骨炸鸡亦系必食之选，外皮香脆入味，鸡肉嫩滑，份量啱啱好，食完有一种实在嘅饱足感。偶尔我会转下口味，食返碗生菜鱼肉汤，汤底清甜，鱼肉软熟，生菜新鲜爽口，系炸物以外嘅温和选择。记得上一份工好辛苦，压力大得连胃口都无，但我坚持每次放工都行过去买一串炸鱼丸，唔系贪肚饿，而系需要一点点慰藉，一口炸鱼丸，就好似对自己讲：「辛苦咗，你仲撑得住。」小食皇嘅味道，简单中带力量，陪我走过唔少艰难时刻。
继续阅读
睇落平平无奇既小食店，如果唔系睇过几个YouTuber介绍，真系未必会注意到（因为𠮶条街好多选择）。呢个无骨炸鸡，竟然系用拆咗骨既鸡翼黎生炸。香港会花咁既心思去处理鸡翼既小店应该唔多。我去𠮶阵啱啱冇人，我点咗全份（八件）$64，友善既店员话等五分钟就得。攞上手就知道份量足，炸得透，无论颜色、香味，未食落口已经知道好味。但啱啱炸好既鸡翼超级热，我要等几分钟至食到。咬第一啖已经比佢征服咗！外皮好脆、好薄，非常多肉汁，鸡肉嫩滑，因为鸡翼已拆骨，啖啖肉。虽然价钱系小贵，不过睇得出鸡翼本身应该好大只。喺超级市场要买大只、肉质好d既鸡翼唔平，而且拆骨系手工，又唔可以拆烂只鸡翼，同坊间一件大鸡肉切块处理唔同。我觉得偶尔食一次，呢个价钱可以接受😋
继续阅读
🍗餐厅名: 小食皇地区: 筲箕湾评语:无骨炸鸡(四件) HK$32 - 原来系无骨鸡翼 超级出色 鸡皮都系超脆 肉质超滑极爆肉汁 如果净食呢个可以食多几件 即叫即炸结论: 表面平平既小食店 出名系无骨炸鸡 冇睇介绍既我以为系韩式炸鸡 点知系无骨鸡翼有惊喜 另外仲有其他小食都好吸引 再黎既话会再试环境卫生: 🌕🌕🌕🌑🌑 食物味道: 🌕🌕🌕🌕🌕服务态度: 🌕🌕🌕🌕🌗#小食皇#筲箕湾美食 #筲箕湾#无骨炸鸡 #无骨鸡翼#香港 #餐厅 #情侣餐厅 #情侣饮食 #帮你食 #coupleeat #helpyoueat #eatanddrink #hongkong #hkfoodie
继续阅读
讲起扫街 相信大部分人都会谂起旺中、葵广通常最多人推荐嘅都系日式、台式、西式等等嘅食物唔系因为唔钟意港式街头小食 只系好难揾到间好食嘅🥹而且好多时都唔干净 食完即肚痛😗今次小妹同Mami👩🏻嚟咗东大街扫街竟然遇到间有惊喜嘅港式街头小食😳虽然价钱少贵 但几好食 而且应该干净我哋食完都冇肚痛😂😂-㋡ 炸云吞 $16/5件而家去酒楼食点心都冇乜边间有炸云吞卖就连街边档都买少见少🥺难得见到有 就梗系买嚟试下架啦😆Order之后即刻攞去炸我想讲…真系超级脆😳咬落去系”咔咔”声架🤭好似食紧薯片咁脆即使食到最后𠮶件嘅脆度依然都系咁夸张云吞馅就系鱼肉嚟嘅份量好少 但呢个先系原始嘅炸云吞🤣食落就系普通嘅鱼蛋咁样整体嚟讲系好食嘅🤪真系值得一试😚味道: 8/10性价比: 8/10-☹︎ 咖喱鱼蛋 $10/份一份有6粒 份量少而且好细粒唔系好食到咖喱味🤔只系见到底部有啲红油 但系完全唔辣嘅咸味就够晒架啦不过唔辣就真系差咁啲🥺加上鱼蛋嘅质素亦只系一般尚算有咬口嘅不过真系麻麻地 唔推荐😅味道: 3/10性价比: 3/10-跟住呢两款卤味小妹就冇食 不过Mami👩🏻超钟意🤭↣ 墨鱼串 $12↣ 猪脷 $12Mami👩🏻话墨鱼爽口弹牙好好食有惊喜😳猪脷腍得嚟几有咬口不过价钱稍贵 但Mami👩🏻都话值得一试性价比: 7/10-整体嚟讲小妹都会推荐呢间比大家😆虽然比起其他港式小食店佢贵啲啲不过食物有翻咁上下水准除咗咖喱鱼蛋😂小妹事后先知原来佢出名嘅系手打炸鱼旦竟然冇试到 可惜🥲～小插曲～Mami👩🏻好appreciate佢哋嘅卤味 其实本身佢想食生肠嘅 不过店员话卖晒 所以改咗墨鱼串点知食落有惊喜😚所以先加多一串卤水猪脷😝店员问要唔要甜酱辣酱Mami👩🏻净系要甜酱 食完佢话好好食又再翻去买多串墨鱼😂店员已经认得我哋 笑住口问我哋系咪净系要甜酱🤣最好笑嘅系最后嘅墨鱼串中间有一条生肠Mami👩🏻话好好食 如果有生肠卖佢一定拣😂😂整体评分：味道: 7.5/10环境: /服务: 8/10卫生: 7.5/10抵食: 7/10回头率: 7/10-
继续阅读
鸡粒$31😋🍴🍽️呢间舖头其实出名食炸鸡 但咁岩果次炸鸡卖晒 我哋就试咗炸鸡粒点知一食就返唔到转头首先份量来讲好多 有一大袋 30几蚊都几抵可以自己加辣椒粉 本身佢调味椒盐五香粉都好够！食落去好惹味 辣辣地食得出佢用咗姜汁去腌过鸡每一鸡粒都好入味！就算净系鸡粒都食得出佢好滑食完一粒已经忍唔住要食下一粒就算摆到冻咗左都好好食！呢个系必食！好啱带去野餐！好满足！系东大街扫街必食嘅下次仲想试吓其他小食 试吓佢同炸鸡边个好食啲🤣🤭
继续阅读