影片
更多
2007-04-26
34 浏览
尋晚同朋友, 2個人一齊去打邊爐。趁天氣仲未好熱，快D打多幾次，見呢間食評唔錯, 就心郁郁想去試下。要左梳乎厘蕃茄蟹王湯底($68定88, 唔記得)，面頭真係有厚厚一層金黃色的梳乎厘(蛋白整的)，個賣相好CUTE (不過都係GIMMICK 野)，D 梳乎厘其實幾”呀”地方, 因為成個湯面都係梳乎厘, 你見唔到下面有D 乜野, 我地丟左D丸入去, 要”抄”好耐先搵得返佢地, D梳乎厘反而阻手阻腳。有好多醬料任揀，不錯。叫左一碟丸($48) (有十粒可以將同價錢的併埋一碟, 可以試多D款,我地要左臘腸XX丸、芒果豬肉丸、鮮蝦XX餃、其余2款唔記得, 每樣各二粒) 睇D名好似好好食, 食落就無乜驚喜，普普通通。係部長哥哥推介下，要左一條黃立倉($118, 約1斤) 成條魚上，D肉片左一片片，講實在，都係脆鯇打邊爐好食D, 呢條認真普通。同埋係街市買一條呢D 魚都係廿幾蚊三十蚊, 佢又唔係特別好食……我地笨左……唔應該要…(118蚊可以買大條石斑返屋企清蒸)叫左個切手肥牛($138) , 感想係, 點解出面D普通肥牛仲好食D…然後叫左一碟什菇拼盤(好似係$68) ，咪係菇, 冇感想一份西生菜
要左梳乎厘蕃茄蟹王湯底($68定88, 唔記得)，面頭真係有厚厚一層金黃色的梳乎厘(蛋白整的)，個賣相好CUTE (不過都係GIMMICK 野)，D 梳乎厘其實幾”呀”地方, 因為成個湯面都係梳乎厘, 你見唔到下面有D 乜野, 我地丟左D丸入去, 要”抄”好耐先搵得返佢地, D梳乎厘反而阻手阻腳。
有好多醬料任揀，不錯。
叫左一碟丸($48) (有十粒可以將同價錢的併埋一碟, 可以試多D款,我地要左臘腸XX丸、芒果豬肉丸、鮮蝦XX餃、其余2款唔記得, 每樣各二粒) 睇D名好似好好食, 食落就無乜驚喜，普普通通。
係部長哥哥推介下，要左一條黃立倉($118, 約1斤) 成條魚上，D肉片左一片片，講實在，都係脆鯇打邊爐好食D, 呢條認真普通。同埋係街市買一條呢D 魚都係廿幾蚊三十蚊, 佢又唔係特別好食……我地笨左……唔應該要…(118蚊可以買大條石斑返屋企清蒸)
叫左個切手肥牛($138) , 感想係, 點解出面D普通肥牛仲好食D…
然後叫左一碟什菇拼盤(好似係$68) ，咪係菇, 冇感想
一份西生菜, 咪係菜, 冇感想
佢地有甜品送，但話新出左姜汁撞奶，即場係你面前整，另外計錢的(我地SKIP左呢句聽唔到, 所以要左一碗) (一架車仔推係我地張枱面前, 部長哥哥係度PREPARE，原來係佢負責撞…我掛住同個FD 傾計，轉眼間, 冇睇到佢撞, 碗野已經整好, 個樣同出面個d好唔同，感覺係撞失敗左...)不過真係唔好食,我個FD 食左半碗就冇食….仲要另外計錢的…..唔抵!!!
茶水、醬汁另計
食物冇大家講到咁得，不過服務認真殷謹，係唯一值得一讚的地方.
埋單2個人食左580蚊左右. 坦白講, 唔值!
不過見未試過咪試下，唔會再嚟 (D食物留唔住我)，除非有人請。
* 我覺稻香好過呢間, 又平過呢間，不過呢間坐得舒服D
张贴
