Grove Sandwiches (永樂街)

营业中

休息中

地方都幾狹窄下， 要同其他人share枱， 不過又帶少少休閒嘅感覺，你可以隨意咁攞啲雜誌嚟睇。 幫忙遞上食物嗰位男侍應服務態度都幾好， 但係收銀嗰位女侍應就爭啲啦!我估佢嘅午餐都應該係限定咗個數量，因為當日都只係1:15左右，但係有好多款式都已經賣曬。 意粉就用碟盛載， 但呢款三文魚螺絲粉卻用錫紙兜盛載， 都幾唔環保， 如果整碟撈埋一齊食，味道都係可以嘅，但係螺絲粉三文魚芝士係分開食，我就覺得螺絲粉無咩味，有啲焗得啱啱好，有啲又過腍，三文魚則淡而無味，芝士又會偏鹹。 呢款牛油果藜麥墨西哥卷,味道清新,藜麥經浸軟之後,與其他沙律材料例如蕃茄、青瓜、生菜、牛油果做成一件墨西哥卷,好健康。