聞心記 (已結業)

常言道，屋村特別多美食😂 廣源邨廣源市場裝修新淨，環境衛生。見到門口呢小店主打冇味精極濃雞湯 🐓 仲可以雞湯配腸粉食，一於試吓。濃雞湯腸粉$36熱辣辣盛起嘅雞湯，一開蓋就聞到雞油香！但飲落口卻係一啲都唔油，清香鮮味濃郁❣️食唔到味精同鹽份，飲完一碗都唔口渴，覺得好潤✨ 雞湯清又鮮，真係夠省招牌👍🏻 雞肉亦好滑身，加少少黑椒調味啱啱好。配搭腸粉，食法夠新穎✨切到細細粒條，吸收咗好多雞湯精華，腸粉軟糯又香滑。炆牛肋肉飯$35牛肋肉炆好軟稔嫩口！醬汁煮得好惹味，送飯啱曬。白蘿蔔無渣又清甜，呢個飯好夠飽。單骨雞翼 (麻辣&原味)單骨容易食，雞皮炸到香口，皮脆肉嫩。麻辣味唔算強勁，我呢啲怕辣人士都食到。