影片
更多
2023-04-21
242 浏览
朋友喺上環返工，推介呢間酒店嘅omakase，Lunch做緊$780一位，定價合理，今日就帶媽咪去試下。前菜有2款，由店員以一個托盤送上，蟹膏豆腐用上海膽點綴，螢光魷魚非常爽口配白味噌醬好夾～蒸蛋好嫩滑，櫻花蝦蝦皮香脆，每啖都食到蝦嘅香味～食完前菜就開始我地嘅席前體驗，師傅經驗豐富，每款刺身同壽司嘅調味都恰到好處，而且態度友善，一路食一路同佢交流氣氛係好輕鬆愉快嘅～赤崎蠔配上酸汁啫喱同沖繩海葡萄兩樣清新食材，加上蠔肉鮮甜，就算我唔太食蠔都覺得正～刺身有3款，八爪魚刺身配竹炭鹽同食用花碎，肉質係意想不到咁嫩滑；池魚薄切配北海道特產三升漬，漬物醬汁令池魚嘅鮮味再昇華；煙燻鮫鰈魚邊以卷狀呈現，入面包住炙燒過嘅魚皮，魚脂嘅油香四溢，仲帶少少脆脆口感，唔錯～刺身同壽司之間以白合饅頭配木之芽作為間場嘅熟食，白合係用新鮮日本白合蒸熟再磨食蓉，冇添加糖完完全全食緊佢嘅天然甜味，配埋個蟹肉茨汁非常完美。壽司總共有5款：目仁奈壽司、尾長鯛壽司、活赤貝壽司、葉血引壽司同埋大拖羅壽司，食omakase真係了解日本魚類嘅好方法😂😂估唔到呢啲譯名古靈精怪嘅魚係咁好食～最欣賞魚味突出嘅葉血引同埋灑滿淡雪鹽嘅大拖羅，
前菜有2款，由店員以一個托盤送上，蟹膏豆腐用上海膽點綴，螢光魷魚非常爽口配白味噌醬好夾～
蒸蛋好嫩滑，櫻花蝦蝦皮香脆，每啖都食到蝦嘅香味～
食完前菜就開始我地嘅席前體驗，師傅經驗豐富，每款刺身同壽司嘅調味都恰到好處，而且態度友善，一路食一路同佢交流氣氛係好輕鬆愉快嘅～
赤崎蠔配上酸汁啫喱同沖繩海葡萄兩樣清新食材，加上蠔肉鮮甜，就算我唔太食蠔都覺得正～
刺身有3款，八爪魚刺身配竹炭鹽同食用花碎，肉質係意想不到咁嫩滑；池魚薄切配北海道特產三升漬，漬物醬汁令池魚嘅鮮味再昇華；煙燻鮫鰈魚邊以卷狀呈現，入面包住炙燒過嘅魚皮，魚脂嘅油香四溢，仲帶少少脆脆口感，唔錯～
刺身同壽司之間以白合饅頭配木之芽作為間場嘅熟食，白合係用新鮮日本白合蒸熟再磨食蓉，冇添加糖完完全全食緊佢嘅天然甜味，配埋個蟹肉茨汁非常完美。
壽司總共有5款：目仁奈壽司、尾長鯛壽司、活赤貝壽司、葉血引壽司同埋大拖羅壽司，食omakase真係了解日本魚類嘅好方法😂😂估唔到呢啲譯名古靈精怪嘅魚係咁好食～最欣賞魚味突出嘅葉血引同埋灑滿淡雪鹽嘅大拖羅，淡雪鹽慢慢融入魚肉，咸味啱啱好～
今日嘅手卷主角係北海道根室海膽，師傅俾得好慷慨，海膽本身亦非常鮮甜，大滿足～～
食完壽司手卷就嚟到套餐嘅尾聲：麵豉湯同雪糕。兩樣聽落平平無奇嘅食物店家都可以帶到驚喜俾我地🤤麵豉湯加咗蓴菜，係一種蓮蓬入面嘅分泌物凝結出嚟嘅啫喱，有啲似桃膠，但再清甜啲，幾得意～
雪糕有三款選擇：烘焙茶、wasabi同開心果。雪糕係配埋最中餅一齊食，餅皮帶啲甘香令雪糕嘅味道更有層次～我同媽咪都係焙茶控毫不猶豫就揀咗焙茶，但師傅私心推介最受歡迎嘅wasabi味，送咗份迷你版俾我地試🙏🏻🙏🏻結果！真係超好食😭😭😭雪糕保留到wasabi嘅香但冇辣味，剩係為咗個雪糕都要再嚟🥹🥹🥹🥹🥹
张贴
