彤私房菜高級粵菜 (已結業)

朋友帶路黎到呢間係商業大廈入面既隱世私房菜見識見識😳意外發現又真係冇介紹錯😋舖頭係尖沙咀區比較靜既地段，因為都比較高層，玻璃窗既景色都幾開揚👍🏻環境黎講都舒服清靜，因為係一個個包廂咁分隔開，私隱度都幾唔錯👏🏻成餐飯落黎最有記憶同埋我最中意食既一定係椒鹽台山蠔同魚米之鄉❕其他野食質素都幾唔錯，而且碟碟分量都好多，真係幾物超所值🫶🏻🌶🧂🦪我印象中一碟大概係有六隻蠔左右，全部都超級大隻，肥嘟嘟既蠔炸到外面好酥脆🤩同辣椒炸蒜蔥花炒埋一碟極香口🥰🐟🌾🦐兩斤重既東星蒸得岩岩好，面頭鋪咗啲脆米可以夾埋一齊食 上枱既時候跟埋一壺極濃蝦湯比係淋上去，一啖魚肉連埋蝦湯一齊落肚都真係超級香濃鮮甜😍