HIKARI

呢間鋪黎左三次，食咗兩次今次黎忍唔住真係要開post 反應番用book 左枱兩位預好時間係荃灣地鐵站行過嚟，其間落大雨，黃雨要行天空之城嘅天橋過黎，成個天橋都係人。諗住怕遲到提前二十分鐘前打黎餐廳講定可能會遲少少，已經行緊過嚟。店員講甘你哋可能會無左得做openrice個優惠俾你地，遲幾分鐘都唔得。總之係openrice 問題。好，最後我哋急住行過嚟係準時入座。嚟到門口同侍應生講番，訂咗台，現場有兩張二人枱，一個門口三人bar 枱，侍應生講兩張二人台留左座，bar 枱可唔可以。想像下大雨已經淋到濕晒，趕到身水身汗，仲要話得bar枱。無奈被迫也要接受。我哋係早一日已經訂枱，都唔值得留個二人枱比我地，事前講到話留左嘅兩張二人枱其實都係俾左啲walk in 客。呢啲係誠信問題，openrice 訂枱嘅顧客對於你哋黎講可能係搲便宜。食得個龍蝦包啲龍蝦雪味好重。成肚氣。