阿叔泰麵 (積信街) (已結業)

泰國菜式，店內裝修及壁畫充滿南洋風情，畫意蠻有趣呀！ 由大圍港鐵站步行約5分鐘左右，沿途幽靜， 非常寫意！ 阿叔併盤(小)拼盤相當豐富，有無骨鳳爪，香芧魚露雞翼 ，炸蝦餅，炸魚餅， 糕點有西米糕(凍)及千層糕(熱)。 久違泰國小食，款款都啱口味， 特別愛吃香茅魚露雞翼， 貪佢夠香口😋😋😋！ 牛肉船麵湯底味道濃郁兼有藥材香味， 麵底有河粉 ，金邊粉， 粉絲 ，米粉及蛋麵供選擇，而食材有牛腩，牛丸，配料芽菜，通菜， 碎花生及炸豬皮。 牛腩超軟腍入味，大大件份量夠足料， 配料勁爽脆，真係食唔停！ 仲要加埋調味四大天王白醋，白糖，魚露及辣椒粉， 甜甜酸酸 ，有意想不到的好味道，特別提香。 飛天通菜， 值得一讚，非常爽脆， 辣度十足， 食得好滋味！ 有助除去身體濕氣。 阿咩糕點拼盤椰汁西米糕(凍)， 椰香清甜，🌸🌸造型的千層糕(熱)，食落煙韌有嚼口，兩款各有特色，值得追加！ 青檸梳打透心涼，爽！ 最後總結：非常滿意👍，而店員有禮招待，令我感覺良好，不過美中不足，食店座位有限，遇上人客多的時候，就要等位啦！