番本日式放題 (已結業)

本來想食果間好出名好多分店的放題，果間質素keep住都唔錯，不過友人話想試新野咪上網搵下。見到呢間番本咁多笑臉去試下，結果係，早知就唔試啦。首先講下食放題最緊要既刺身，又話有帶子?又話有油甘? 冇都算啦，最緊要既三文魚，一睇個樣就知質素麻麻， 油脂少，仲要一夾就係白色油脂斷開晒一截截，咁即係代表唔新鮮!! 都未計咁多件痴埋晒，刀功差未切到落尾。再講佢所謂既全隻赤蝦，又係質素一般，冇蝦味，蝦頭係黑到唔敢食果隻。咁你話啦？有幾新鮮。只有北寄貝同榮螺我係覺得ok唔錯。其他壽司，手卷就唔試都冇損失，剩係舊飯搓到咁實，上面既無論係咩魚，咩籽都係一樣味，一舊就夠啦。其他熱食選擇就間間放題差唔多，質素又係好一般lo,由其我最中意食既天婦羅，上台仲係油諗諗，淋晒咁。我唸冇人中意食淋既天婦羅卦…其實佢都有好既地方既，比如encore左既清酒煮蜆，串燒都ok。不過最後我想帶出既係，唔好比咁多笑臉呃左，番本質素真係麻麻，同一價錢都係食第2間算。