一幻拉麵 (已結業)

今日中午黎到灣仔合和個頭，一於去試下一幻拉麵。岩岩開個時因爲出名好多人食，而家去食無人排隊lu~ 一去到就有位其實入邊唔算細，應該都坐到30人。不過吧枱位多，坐得麻麻哋舒服。一坐低就見到枱上有得差電，好細心呀！仲有水，係自助既，即係有水龍頭係你面前個啲呢。除左麵仲有叉燒飯同飯糰選擇。我地呢次揀左原味味噌蝦拉麵同濃厚豚骨味噌蝦拉麵。呢碗係濃厚豚骨蝦拉麵，濃濃既豬骨味噌蝦湯，食得到蝦味既，食第一啖還好，不過越食越咸。湯面既橙色蝦碎脆脆的好好食，建議一上枱先食，唔係浸淋哂就無哂特別。鹵雞蛋都好食，但可唔可以切得靚啲?叉燒肉唔滑既，有啲”鞋”。呢個配搭真係好咸，自問唔係重口味既真係唔建議。跟住呢碗味噌蝦拉麵，雖然係味噌，但蝦味都好濃。唔會好似豬骨湯咁好咸，好食既！其他同頭先個碗一樣，只係湯底唔同。如果喜歡仲可以買番屋企自己煮！不過就無豬骨口味。2碗拉麵$200有找，屬正常價錢。其實味道真係唔差，蝦味拉麵真係好有蝦味又夠特別，值得一試的拉麵店！