潮江春 (已結業)

我最喜愛其中一間既大埔酒樓，雖未算係一流，但出品、裝潢、服務都好滿意 ~ 是晚為 Raymond 同 Barbara 既大喜日子，我專誠到賀及飲佢地依餐喜酒。帶子釀酥炸芋泥球，帶子鮮甜新鮮，但略比炸芋泥蓋過左味道。雖然平時我唔食芋頭，但係依味送係好味既 ﹗咕嚕明蝦配米通，味道無咩特別，好普通。而且炸粉又硬又厚，我自行剝左層殼仲好食，蝦球又鮮又爽。此味有些畫蛇添足，唔係太欣賞 ﹗花枝桂花蚌炒西蘭花，先講講此味係配蝦醬，我平時都唔會食蝦醬，不過咩都試吓。依次啲蝦醬又鮮又甜，同食開啲味濃又咸既完全唔同，係靚貨黎架喎，同啲海鮮及菜配搭出眾，必食。花枝新鮮嚥靭、桂花蚌爽脆、西蘭花鮮爽，正 ﹗花膠絲紅燒翅，可以啦，我寧願淨紅燒翅，加左花膠絲返而啖左。我較喜歡現時好流行既蟹皇翅，勁香勁甜。或竹笙翅都好好。蠔皇扣鮑片鵝掌冬菇生菜，幾乎每次喜宴都會有既菜。鮑片味濃、軟腍，好。鵝掌炆致起膠，好。生菜新鮮配鮑汁，好。清蒸海斑，都可以接受，因條魚大，所以要蒸較耐時間，難免肉質會略鞋，唔夠滑，依樣體諒既。總括而言，魚鮮、蒸得唔錯。炸子雞，簡單既一味，無咩特別，大眾口味，幾好，隻雞算好 fit，唔會過肥又有肉食。