影片
更多
2024-01-08
38 浏览
🔸高湯海參灌湯餃 $88 高湯裏面有一大枚好正嘅海參，滑捋捋軟淋淋，好易入口，聽講常食海參可以降膽固醇，啱曬我哋呢啲為食鬼。隻灌湯餃係海鮮餡嚟嘅，有蟹柳、蝦肉、蚌肉 同埋豬肉碎，食落好鮮甜，皮薄多汁😚味道：9/10性價比：7/10🔸安格斯牛肉腸粉 $68 腸粉皮十分薄，裏面包滿一粒粒嘅牛肉粒，唔係一般酒樓牛腸啲唔多牛肉味嘅肉醬，呢個真係真材實料，用安格斯牛肉做成好香口嘅牛肉粒，粒粒都有鮮牛肉嘅油脂香味，仲係第一次食到噤正嘅真正牛肉腸粉。味道：9/10性價比：7/10🔸芥末美國石蠔卷 $68三條炸生蠔春捲，每條中間都用一條紫菜綑住，面頭就放咗一啲芥末沙律醬，有好香芥末味，食落係唔辣嘅，個炸卷外面脆卜卜，好鬆化，裏面啲石蠔畀足料，有好香蠔味，呢個精美點心好睇又好食。味道：9/10性價比：7/10🔸豬潤燒賣 $68 豬潤燒賣要趁熱食，因為豬潤熱辣辣嘅時候食係最好味嘅，有3枚燒賣，上面有好大塊豬潤，食落有濃郁嘅鹹香味。豬潤下面就係一大粒鮮蝦燒賣，咬落去有大大粒Q彈牙鮮蝦仁，燒賣裏面仲有一啲香菇，整體食起嚟係好有鮮蝦嘅香甜味，配搭上豬潤嘅鹹香味，鹹甜撞味，真係一絕。味道：9/10
高湯裏面有一大枚好正嘅海參，滑捋捋軟淋淋，好易入口，聽講常食海參可以降膽固醇，啱曬我哋呢啲為食鬼。隻灌湯餃係海鮮餡嚟嘅，有蟹柳、蝦肉、蚌肉 同埋豬肉碎，食落好鮮甜，皮薄多汁😚味道：9/10
性價比：7/10
🔸安格斯牛肉腸粉 $68
腸粉皮十分薄，裏面包滿一粒粒嘅牛肉粒，唔係一般酒樓牛腸啲唔多牛肉味嘅肉醬，呢個真係真材實料，用安格斯牛肉做成好香口嘅牛肉粒，粒粒都有鮮牛肉嘅油脂香味，仲係第一次食到噤正嘅真正牛肉腸粉。
味道：9/10
性價比：7/10
🔸芥末美國石蠔卷 $68
三條炸生蠔春捲，每條中間都用一條紫菜綑住，面頭就放咗一啲芥末沙律醬，有好香芥末味，食落係唔辣嘅，個炸卷外面脆卜卜，好鬆化，裏面啲石蠔畀足料，有好香蠔味，呢個精美點心好睇又好食。
味道：9/10
性價比：7/10
🔸豬潤燒賣 $68
豬潤燒賣要趁熱食，因為豬潤熱辣辣嘅時候食係最好味嘅，有3枚燒賣，上面有好大塊豬潤，食落有濃郁嘅鹹香味。豬潤下面就係一大粒鮮蝦燒賣，咬落去有大大粒Q彈牙鮮蝦仁，燒賣裏面仲有一啲香菇，整體食起嚟係好有鮮蝦嘅香甜味，配搭上豬潤嘅鹹香味，鹹甜撞味，真係一絕。
味道：9/10
性價比：7/10
🔸啤梨鹹水角 $58
擺盤好靚，係3個肥嘟嘟嘅啤梨型，脹卜卜，外型好可愛，睇落以為啲皮係好硬，咬落原來個鹹水角皮好軟糯，裏面啲餡好充滿，主要係 蝦米、五香瘦肉碎 同埋香菇，好惹味。
味道：8/10
性價比：7/10
张贴
