影片
更多
2024-07-25
1863 浏览
早排同朋友仔去左六國酒店食buffet, 今次就去左佢地另一間中菜一粵軒! 其實粵軒已經屹立左係到好多年, 所以有唔少懷舊菜式都可以食得到, 一行五人點左唔少懷舊菜, 今晚真係大飽口福! ✨️大良野雞卷大良野雞卷其實係無雞的! 入面嘅肥豬肉用左玫瑰露醃製, 味道有d似蠟腸, 之後再用瘦肉包裹炸至酥脆, 脆卜卜口感好豐富✨️江南百花雞E到心機菜用左雞皮同蝦膠製作, 雞皮需要風乾至油份無哂之後再釀入蝦膠, 食落去外脆內彈, 鮮味十足✨️懷舊鷓鴣粥E個其實唔係而家平時食開嘅粥嚟, 佢其實係一個羹嚟, 用左鷓鴣肉同埋肝臟製作, 雖然無米但食落去就好似有米粥咁綿滑, 而且帶點鮮味, 幾有驚喜✨️家鄉釀鯪魚一睇就知道工序十分繁複, 一件件釀鯪魚砌得番一條魚, 鯪魚肉加左馬蹄粒除左令口感更豐富, 仲令整體無咁膩, 外脆內軟彈, 沾上醬汁後更惹味, 不過車車覺得就咁食已經好夠味啦✨️台山焗蟹砵成隻蟹坐係上面已經好吸引, 師傅先蒸左個蟹去, 再用熱油一下一下倒落去, 將雞蛋同蟹肉、粉絲整熟, 食落蛋香十足, 口感豐富✨️荔蓉香酥鴨E道菜係第一次食, 感覺似細個係酒樓點心嘅芋角, 由芋蓉同鴨肉組成, 入口酥脆可口,
✨️大良野雞卷
大良野雞卷其實係無雞的! 入面嘅肥豬肉用左玫瑰露醃製, 味道有d似蠟腸, 之後再用瘦肉包裹炸至酥脆, 脆卜卜口感好豐富
✨️江南百花雞
E到心機菜用左雞皮同蝦膠製作, 雞皮需要風乾至油份無哂之後再釀入蝦膠, 食落去外脆內彈, 鮮味十足
✨️懷舊鷓鴣粥
E個其實唔係而家平時食開嘅粥嚟, 佢其實係一個羹嚟, 用左鷓鴣肉同埋肝臟製作, 雖然無米但食落去就好似有米粥咁綿滑, 而且帶點鮮味, 幾有驚喜
✨️家鄉釀鯪魚
一睇就知道工序十分繁複, 一件件釀鯪魚砌得番一條魚, 鯪魚肉加左馬蹄粒除左令口感更豐富, 仲令整體無咁膩, 外脆內軟彈, 沾上醬汁後更惹味, 不過車車覺得就咁食已經好夠味啦
✨️台山焗蟹砵
成隻蟹坐係上面已經好吸引, 師傅先蒸左個蟹去, 再用熱油一下一下倒落去, 將雞蛋同蟹肉、粉絲整熟, 食落蛋香十足, 口感豐富
✨️荔蓉香酥鴨
E道菜係第一次食, 感覺似細個係酒樓點心嘅芋角, 由芋蓉同鴨肉組成, 入口酥脆可口, 芋蓉好香, 而且一d都唔膩, 不自覺食左好多件
✨️左宗棠雞
E道左宗棠雞係一道台灣嘅傳統菜同時亦係主廚嘅撚手小菜, 味道甜甜微辣, 惹味好餸飯
✨️蓮蓉西米焗布甸
全晚最期待嘅蓮蓉西米焗布甸口感綿密細膩, 甜度適中, 超好味!!! 好想食多個但因為要預先點定所以只食左一個喳
✨️杞子桂花糕
杞子桂花糕用左中國茶製作, 亮澤茶色，晶瑩剔透, 食落有濃濃嘅桂花既香, 微甜幾好食
✨️桂圓紅棗茶
人大左好中意養生野, 特別係桂圓紅棗, 車車好喜歡嘅配搭嚟，味道剛剛好, 唔太甜, 滋潤養生
张贴
