花宵 (已結業)

今日同老婆嚟到銅鑼灣拍拖食嘢，去食我哋最鍾意嘅日本料理。室內不算太大，一入門口就見到廚師嘅工作枱，感受到日本小店的氣氛。先來一個小食雞泡魚干，份量適中，魚干厚身，唔會燒得好乾身，加埋沙律醬最好味。燒大蜆，原來呢個唔係日日有得食，蜆肉大隻，加上蜆本身的海水鹹味，更加鮮甜多汁。刺身拼盤：八爪魚片、八爪魚吸盤、左口魚、牡丹蝦、油甘魚、鰹魚，最特別係八爪魚吸盤，夥計特別話呢個味道好爽口，食落嘅口感真係好特別。鰹魚刺身亦係有獨特嘅魚香味，淡淡然。其他刺身亦都有水準。銀雪魚壽司及左口魚壽司，兩款魚肉都係好嫩滑，我個人比較鍾意食銀鱈魚，脂肪感比較濃厚。最後食燒物，燒鱔片、免治雞肉、牛脷、一口牛，都係鱔片最吸引我，厚身肉有肉汁。