周明園潮州粉麵餐廳

营业中

休息中

趕住落大埔買餸，怱忙食個晚餐先，左諗右諗，咖哩王？家鄉雞？沙龍？苑記？學利？太興？是鬼但，最緊要快，周明園啦 ﹗又滿座，好采有個獨獨位啫。魚蛋牛肚麵走蔥，好貴喎，咁就 HKD31 蚊喇？ 點解周明園會無伊麵食架？算數，食普通麵囉。鹼水麵質地微爽又無鹼水壓味，掛湯力幾好，配上辣椒油幾好食，合格。毛肚勁棉滑彈牙呢，炆得十分香甜入味，高質 ﹗大大粒魚蛋鮮味濃郁，咬落彈彈的，好味噃。魚蛋只得兩粒，好明顯魚蛋貴過牛肚好多啦。