韓一石頭鍋 (已搬遷) 新店位置

上個星期六同朋友一行二人見有一間有新舖咪試下...係門口等一陣間,入到去我地見到張椅有d水漬,叫個女侍應清潔一下啦!佢好似聽唔到咁,咁我地再叫另一個啦,我見住佢用剛剛係隔離抺完既布來抺椅,好恐怖!跟著,坐低!又發現另一樣,張有好多蛋漿係面,再叫另一個侍應抺下啦!佢話好之後,好似唔記得咁,餐牌放係面比我地,大佬呀!都叫你抺,你仲放餐牌係面,個餐牌比佢整到好污漕.我地心知不妙,咁叫兩客牛肉石頭鍋飯,兩個泡菜燒餅同兩杯飲,等一陣,先來一d所謂前菜,好難食,之後,等好耐都未有飲品來,想叫個侍應來啦,佢掛住同其他侍應傾偈,唔知係唔係傾d好開心既野啦!叫三聲先至應下你,我話d野飲未黎,佢話幫我check check,點知佢立即轉身,又同返d侍應再傾,咁我地再叫另一個跟跟啦!佢好快入去兩杯飲來,不過,佢d手指插入去杯裡面,叫佢換過好似好唔想去換比我地咁,死死氣咁入去換過,又過十五分鐘,我地d野食都未黎,我已經好慶架啦,之後,叫個侍應追追啦,佢仲係要等架啦!但我地見遲過我地入來d人都食到一半有多,我地兩個一致決定走人,叫佢埋單,我地剩係比兩杯所謂凍o茶既錢.臨走前,仲聽見d侍應話我地.."麻鬼煩,快d