影片
招牌菜
食记 (63)
串烧食完 , 算系无咁肚饿 , 于是返埋巴士站等车 打算入沙田先再正式食 lunch 啦 .... 一路等 ... 一路滴汗等下十分钟 , 再等又十分钟 , 无盖巴士站等四五个字简直系酷刑 !! 想买野饮 , 但无理由咁傻o家 ... ?一阵都食野喇 , 又而家去买野饮 , 咁食野时又饮 ?!把鬼火 , 索性行返去上一个站 (有盖的 ... ) ,附近有餐厅 , 是但o系度食饱先返去喇 !! 咁就可以有野饮啦 好随意咁走入左呢间韩国餐厅 , 因为唔使等位 ^v^午餐 menu 价钱都几化算㖞 , 因为打左底 , 唔食饭喇 , 叫左个蕃茄辛辣面 , $ 40 跟可乐 佢叫做蕃茄辛辣面 , 我 expect 佢系一个辣辣地o既蕃茄汤底 ,估唔到 .... 上枱o既大大碗面 , 系一个即食韩国辛辣面 ,o个一刻我有 d 想笑出黎 , 我无嬲o家 , 因为人地真系写住辛辣面haha ... 感觉好似o系茶记叫餐蛋面 , 咁面底正常就系公仔面咁o系韩国餐厅叫蕃茄辛辣面 , 未就系蕃茄加韩国版公仔面啰 xd佢个面有得拣一个送 , 肥牛 / 猪柳 / 鸡柳 / 海鲜 ... 同价钱咁睇 , 紧系叫海鲜啦 ^^ 平时多数海鲜系贵 d 家嘛咪睇佢只系 $ 40 , 海鲜都唔少野㖞 , 有两只鲜虾 , 爽甜o家 四五只蚬 , 无沙 , 有海水味 , 又系新鲜货㖞 , 鱿鱼圈一般 , 无乜味面质煮得都唔错 , 不过个碗太大喇 , d 汤好快冻蕃茄煮开晒 , 好好味 , 茄有汤o既辣味而唔系我相像中o既汤有茄味 xd另外想赞一赞面底下收埋左好多皇帝菜 ( 问 waitress 先知个名 ) , 好甜好好味 ^^ ## 饮埋罐可乐 , 饱晒 =) 几满意 ... 其他客人都有叫石头饭 , 我闻到好香饭焦味 , 午餐 $58 又系有埋可乐 , 下次要黎试下 !!
继续阅读
上次听朋友话lee间韩国野几好食... 所以今次朋友请食饭就拣左lee到...成餐饭都系d前菜最好食...其余都麻麻地...我地4个人叫左3个石头饭..2个牛..一个鸡..好大碗...好似系五十几蚊一个set包一杯野饮...另外叫左铁板豆腐.味道普通..年糕..spicy..人参鸡就唔驶讲唔得..怪怪地....应该唔会好下次...!!
继续阅读
睇完咁多笑既食评, 就去试试, 六点几去到, 不过都要等左两三个字先有位..睇餐牌, 大多数系套餐, 再睇睇散叫, 其实差唔多, 起码套有埋野饮同甜品, 咁就叫左其中一个二人餐, 先上六小碟前菜, 都几好味, 不过碟kimchee就真系好似少左d.. 之后粉丝汤都几好味, 到锅饭, 服务既姐姐好有心机同我地加蛋同加汁捞饭, 最后上埋个kimchee薄饼, 虽然款式唔多, 不过都够饱, 甜品系芝麻雪糕, 卖单都系230, 仲要系免加一.. 所以绝对抵食..
继续阅读
最近不停睇韩剧~~ 完全系中左毒的, 韩国明星, 文化, 语言, 音乐, 食品.....样样都有兴趣!当晚放工就决定去LEE 间韩一石头锅...今次唔系第一次去, 所以心中已经选定想食什么首先来左六少碟的头盘>> 不过唔知佢地叫咩名, 下次再去时一定要影低! 主食: 传统豆腐汤 (连一碗白饭) >> 竟然比想像中的好食! 辣度岩晒我, 而且系泡菜汤底!! 豆腐好滑, 猪肉份量OK, 所以食完都几满意! 传统牛肉汤面 >> 个汤底都可以, 老公话好食...(因为本人的豆腐汤实在很好味, 所以没有试食LEE个) 炒春雨?? 牛肉炒粉丝 >> 下次去到一定要叫, LEE个系多油的, 因为唔用多油系炒唔出水准, 韩国粉丝的特质!
继续阅读
lee 间铺仔细细, 系有一次同老公 o系 九龙城无意中见到试过一次之后, 觉得几好食.自从南山谷唔见左之后, 我地主力都系去 lee 间.最中意佢有几款前菜... 好似而家好多韩菜都无乜前菜.佢地的石锅饭都唔错.有一样好得意. 佢地得冻奶茶无热奶茶.... 饮完一杯冻奶茶后发现, 可能佢地系冲台式奶茶, 唔系港式热奶茶. anyway, 都几好饮 o既, 又大杯.佢地个 toliet 都几干净.
继续阅读