影片
更多
2010-12-12
43 浏览
慶祝本人生命中最重要嘅兩個靚女生日；阿媽、阿靚。買嚟opera cake，另加幾件散裝餅仔。老實講，得我哋三個，飽餐一頓之後先捧出，係冇乜可能食得晒，不過我想，買多好過買少。其實家下優質西餅店開多咗咁多，又間間都各有千秋，諗買乜生日餅都有啲頭痛。最終揀咗MO係因為「情意結」，一來佢係我住過最親切貼心嘅酒店，而親戚們又似乎頗愛佢餅房嘅西包&西餅，二來我第一次去tea就係去MO，戀上佢的scone。最經典係當年想請阿靚去MO嘆tea，唯佢已冇開(未重開)，遂偕此女去咗置地文華mo bar處tea，點知又胃口不佳，最後打咗包俾當時嘅補習老師W. Chen到我最愛的酒店買cake給我最愛的兩女，看，整件事變得多名正言順！講返個餅，你睇佢幾咁沉實，俾人穩重嘅感覺。有層次的甜又唔過火，餅底脆脆的好啱我。我呢個同佢display緊嗰個係有少少好minor嘅唔同㗎，你知道是什麼嗎？哈哈呢幾件小餅，最出色係american cheesecake，不過好彩唔係買大嘅呢個，事關佢density真係好高，好充實呀，而最普通就要數blueberry tart。服務係唔錯嘅，包裝都靚，雖然冇乜新意，但係keep
買嚟opera cake，另加幾件散裝餅仔。
老實講，得我哋三個，飽餐一頓之後先捧出，
係冇乜可能食得晒，不過我想，買多好過買少。
其實家下優質西餅店開多咗咁多，又間間都各有千秋，
諗買乜生日餅都有啲頭痛。最終揀咗MO係因為「情意結」，
一來佢係我住過最親切貼心嘅酒店，
而親戚們又似乎頗愛佢餅房嘅西包&西餅，
二來我第一次去tea就係去MO，戀上佢的scone。
最經典係當年想請阿靚去MO嘆tea，唯佢已冇開(未重開)，
遂偕此女去咗置地文華mo bar處tea，點知又胃口不佳，
最後打咗包俾當時嘅補習老師W. Chen
到我最愛的酒店買cake給我最愛的兩女，看，整件事變得多名正言順！
講返個餅，你睇佢幾咁沉實，俾人穩重嘅感覺。有層次的甜又唔過火，餅底脆脆的好啱我。
我呢個同佢display緊嗰個係有少少好minor嘅唔同㗎，你知道是什麼嗎？哈哈
呢幾件小餅，最出色係american cheesecake，不過好彩唔係買大嘅呢個，事關佢density真係好高，好充實呀，
而最普通就要數blueberry tart。
服務係唔錯嘅，包裝都靚，雖然冇乜新意，但係keep住質素，一定有生意
祝兩位生辰快樂。
张贴
