和宴

营业中

休息中

琴日難得我同老公做半日工，又唔使湊仔，就打算兩個人撐枱腳，享受下難得有嘅Me time。呢度裝潢好靚，而且好寬敞，唔會食到好逼，又唔失現代感，讓人覺得好放鬆。 我哋揀咗宮崎和牛上牛排肉定食同埋宮崎和牛特上肩肉眼定食。宮崎和牛上牛排肉啲牛肉嘅油花簡直美得無話可說，油脂同瘦肉比例非常完美，每一口都可以感受到肉質嘅嫩滑，好食。 另外，呢個宮崎和牛特上肩肉眼部位嘅牛肉紋理特別精緻，經過燒烤之後更加柔嫩多汁，肉香好讚！每一口都令人享受。呢間餐廳對於每道菜嘅擺盤同埋處理都非常好，掂👍 呢度嘅Lunch Set包括咗好多，雪糕咖啡定係湯都有，所以真係好抵食！我同老公食完都覺得charge滿電咗。