田中寿司 (已結業)

最近留意到屋企附近開咗間新嘅日本餐廳，一向鐘意食日本料理嘅我又點可以放過呢🤤！呢間餐廳係來自名古屋嘅過江龍，食物選擇非常多，其中以吞拿魚料理最為出名，我同朋友今次就嚟咗餐「全鮪宴」😋🐟！• 大將Tasting Combo (二人前) $188呢個吞拿魚拼盤擺盤勁精緻，Menu上面最吸引我嘅一定係佢，幾乎枱枱都有嗌！裡面嘅八小碟包括有芝麻納豆吞拿魚、吞拿魚山芋漬、赤身、松露大拖羅、中拖羅、吞拿魚血合、大目山葵漬同旗魚，用上吞拿魚唔同嘅部位去配搭日式食材，而當中我幾鐘意松露大拖羅同大目山葵漬，前者松露味唔算太強烈，啱啱好能夠令拖羅嘅香味提升，而後者嘅山葵漬口味偏濃，配上魚味較重嘅大目吞拿魚更顯風味😌• 七武士鮪魚刺身盛 $208有齊赤身、中拖羅、大拖羅、黃鰭、長鰭、大目同旗魚，比起tasting combo呢個刺身盛可以更原汁原味咁品嚐到唔同品種同部位嘅吞拿魚✨• 本鮪三貫壽司盛 $108三貫壽司分別係本鮪赤身、中拖羅同大拖羅，我嘅first pick當然係肥美十足、肉質軟滑嘅大拖羅啦，略嫌飯粒比較濕黏，有少少影響到口感🤔• 中落鐵火 $58用咗大魚骨旁邊嘅魚肉製成嘅鐵火卷，鐵銹味較重😛•