明軒小館

营业中

休息中

📍香港好似冇咩專食蟹粉/蟹皇嘅餐廳，見到呢度主打蟹粉拌飯同拌麵，試咗佢哋嘅lunch set($268)仲會包埋湯、小食同甜品～小食可以三揀二，有蟹粉小籠包/蟹粉粢飯糕/禿黃油糯米燒賣，拌麵同拌飯都可以揀手工拉闊麵/萊茵衣深麵或白飯/菜飯，都有幾多選擇。蟹粉小籠包咬一啖入邊嘅蟹粉湯汁已經爆曬出嚟，豬肉餡亦都混雜咗粒粒蟹黃喺入邊好鮮味。蟹粉粢飯糕外脆內軟，點埋薑醋食更加食到蟹黃香味，覺得比糯米燒賣更出色！主食嘅蟹粉會用咗暖爐上，唔驚食食吓會變凍，蟹黃粒嘅份量好多同好濃郁，撈晒成個飯都仲有剩，配麵食就感覺Q彈啲。甜品係用咗寧波芝麻湯圓，個薑茶勁重薑味，食完都唔驚寒涼。