花木日本料理 (已結業)

天文台道原來開左一幢飲食大廈。裏面有好多唔同既餐廳。為左慶祝女朋友升職，就同佢食下好野。日本三大名蟹有鱈場蟹、松葉蟹同埋毛蟹，而今次個二人餐就有其中兩款。北海道鱈場蟹肉刺身鱈場蟹肉點上醋，就能加強蟹味，基本上唔點野都好好食，用上蟹柳肉，真係啖啖肉。再加上帶子刺身，都好鮮甜。冰鎮香醋松葉蟹松葉蟹出場了，肉味再鮮甜多d，要慢慢用蟹簽少少咁整d用出黎食。海蟹天婦羅蟹肉用紫菜包住，完全唔會覺得好乾，熱辣辣咁上枱，好好食。海蟹茶碗蒸睇下有幾多蟹肉，真係落足料！海膽蟹膏甲羅燒淨係睇個樣已經夠殺食，有好多蟹膏喺入面，再加埋新鮮嘅海膽，口感好粘，撈少少蟹肉一齊食，層次感非常豐富！海蟹鍋物其實食到呢道菜已經好飽，唔好睇佢細細兜，其實裏面好多菜，仲有兩隻松葉蟹腳，湯水好清，幾好！海蟹箱押壽司一件箱押壽司，一件手握壽司，用上赤醋壽司飯，配上蟹肉又唔錯喎。厥餅和水信玄餅精美既飯後甜品，呢兩款都唔會好甜，為這一餐升職飯畫上完美句號。