和牛88 (已搬遷) 新店位置

Vi同朋友都好中意食牛，今晚就黎左和牛88食飯，大部分菜式都係牛，連刺身都有！我地點左火焰牛扒，關西風汁煮牛筋，炸AGU豬煙肉忌廉餅同燒牛肉沙律。燒牛肉沙律整體都ok，有沙律菜，牛油果，車厘茄，面頭嘅燒牛肉片肉質都唔錯，配上酸酸地嘅醬汁食落幾fresh。關西風汁煮牛筋係今晚最愛嘅野食，賣相普普通通，但食落味道十分濃郁，牛筋同牛腩都煮得好腍好入味，好有驚喜！而牛扒上枱後，店員會係鐵板上加酒，火焰場面好吸精@0@我地叫咗五成熟，但因鐵板上同埋火燒後，略嫌有d過熟，下次order三成可能會好d。依款牛扒選用嘅位置脂肪比例較少，不過牛味係幾濃嘅最後既煙肉忌廉餅做到外脆內軟，外層炸到脆卜卜，中間好creamy，餡料有煙肉粒，菜絲，醬汁方面有蕃茄蓉同中間嘅沙律醬，配上沙律醬幾好味。唔好以為一粒份量好似好少，其實好飽肚。