Burger Joys (第一街)

营业中

休息中

我係一個愛好Burger既人, 所以每逢有新開既Burger店, 我都會去試試聽朋友講話呢間Burger Joy唔錯， 上open rice睇幾間分店, 而最偏遠既可謂係呢間西營盤分店。原本打算去灣仔分店，不過剛好係周末係附近行完山，決定去西營盤分店試試。一去到，見到舖面行左三張枱，應該係主力做外賣既生意。不過食burger當然新鮮先好味，加上都遠道而來，幾大都坐底食，剛好仲有一個位。打開餐牌，見到雙層牛肉漢堡係招牌菜（Signature Double Cheese Burger），聽個名都吸引，於是就即刻點左呢個。等左一陣，野食到了，賣相都不錯，份量都算可以。食落個飽好脆身，唔似快餐個Ｄ質地又林又凍。牛肉食落嫩身唔痴口，肉汁多，好味。配埋芝士，茄汁等等既配菜，一齊咬，好味道。原本仲想食多個，不過食完開始飽，決定下次先再黎食另一款，哈哈後來返到屋企上網睇多D資料，原來呢間係入選全球五十大最好味burger店之一，確實小弟去親澳洲，歐美一帶都會專登幫襯一下當地既burger店。Burger joy既味道確實比得上歐美澳一帶既burger。