船渦

营业中

休息中

蒸氣火煱食得多，但一人一煱真係未試過。朋友介紹左呢間餐廳，話海鮮新鮮，私隱度高，一個人食都無問😆餐廳裝修係日式風格，座位用竹簾格開，一個人同多人聚餐都適用😆餐廳有自己的魚缸，難怪海鮮咁新鮮。Menu 有幾款套餐選擇，叫左最經濟的九品芝麻套餐$258， 份量充分，食完飽到上心口😂前菜有沙律同章魚燒。海鮮拚盤有白蜆，蝦，鮮魚片，大蜆，扁蟶子，鮑魚。每張餐枱都有label 教學，不同種類食物要蒸幾多分鐘，好易操作。全部海鮮真係好新鮮，最值得讚係，職員見到我有隻蜆無開口，主動換過一隻俾我😍肉類有三選二，肥牛，豚肉同雞腿。叫左兩個set, 所以三種肉都可以試到。肥牛的確係肥美😋雞腿肉幾嫩滑，豚肉就啖啖肉。三寶丸同蔬菜拚盤。牛骨濃汁牛丸超好食，汁多味濃😍另外個set加$15轉左做三色燒賣，蝦膠燒賣超級爽口彈牙😋食到最後仲有粥底/麵底。南瓜芋頭粥好鮮味，粥底幾棉，好入味。另外個set加$15叫了翅骨濃雞湯米線，但雞湯就不算太濃。總括嚟講，餐廳環境真係一流，乾淨舒適。食物好食又好玩，一定會再黎。