伊呂波燒肉 (已結業)

和牛回歸，全港牛魔王要出洞啦！伊呂波近排比人吹得好勁，一於去會一會佢。由於第一次去，所以只叫出名菜色，先叫一碟和牛，和牛雪花分佈平均，根據百科全書所記載，和牛要燒至七成熟，等和牛油份融化，入口先有甘香、即融既感覺。我地係讀書人，唔係厨師，三佰幾蚊只有七件，燒佢都有少少手震，燒“彎”咗就無得食，大家小心小心。之後追加一碟牛舌同啤酒，有厚切同有薄切，我問waitress：“邊種好食易燒？”佢推介厚切。碟牛舌燒起嚟好香，食落好爽，好得！望下我間房外有大量日本人，啲間食肆都應該幾地道，之後再望隔嚟房係“Y文”同“林狗”，代表啲間食肆未算多人幫襯，當要排哂隊既時候就唔會有明星再去。兩碟梗唔夠皮啦，再追加和牛一碟，埋單加一成千蚊，嘩！薄切牛舌八十蚊，厚切要二百幾，難怪waitress推介，真係一分錢一分貨！下次要試試啲海鮮，好似好正咁喎！