影片
更多
2018-02-07
181 浏览
牛魔王又出動喇，呢間又係on list 好耐，不過一直都好多人排隊，無乜動力食，今日lunch time 早走，捉埋同事陪我食😂___________________________🔹錦麗綜合粉 $62咩係綜合粉呢? 其實就係一次過有晒錦麗賣嘅3種配料: 生牛肉、熟牛肉、牛丸第一次黎食，見佢枱面有建議食法，我就決定跟足黎做啦。.1⃣ 首先呷一啖湯真係唔講得笑，個湯望落去都幾清，誰知一飲落去係極濃味!!! 誇張啲講，好似飲左成隻牛落口咁呀。🐂.2⃣ 跟住就將九層塔、鵝蒂等香葉撕碎放入湯度我好後悔做左呢個步驟，啲香葉味實在太勁，好似趕走左隻牛咁...畀返隻牛我呀如果你好有興趣跟黎做的話，我建議退一步，千祈唔好撕開啲香葉，就咁浸下佢好啦.3⃣ 加入青檸汁，辣椒及芽菜伴均青檸汁同理，落少少就好。辣椒得1片仔，絕對唔夠，建議問店員拎多啲。芽菜夠爽，重可以🆓任添，真係啱晒我。.4⃣ 粉連湯同吃呢一步真係好重要，成碗粉個精華就o係個湯度，絕對要每一啖都食到牛湯精華先至最正。唔使驚個湯會好油好味精，我話你聽絕對唔會。個湯勁少油，而且我食完個粉返到公司都未覺得特別口渴，放心大啖食吧!.最後佢重有教用"是拉差辣醬
___________________________
錦麗綜合粉
$62
108 浏览
0 赞好
0 留言
🔹錦麗綜合粉 $62
咩係綜合粉呢? 其實就係一次過有晒錦麗賣嘅3種配料: 生牛肉、熟牛肉、牛丸
第一次黎食，見佢枱面有建議食法，我就決定跟足黎做啦。
.
1⃣ 首先呷一啖湯
真係唔講得笑，個湯望落去都幾清，誰知一飲落去係極濃味!!! 誇張啲講，好似飲左成隻牛落口咁呀。🐂
.
2⃣ 跟住就將九層塔、鵝蒂等香葉撕碎放入湯度
我好後悔做左呢個步驟，啲香葉味實在太勁，好似趕走左隻牛咁...畀返隻牛我呀
如果你好有興趣跟黎做的話，我建議退一步，千祈唔好撕開啲香葉，就咁浸下佢好啦
.
3⃣ 加入青檸汁，辣椒及芽菜伴均
青檸汁同理，落少少就好。辣椒得1片仔，絕對唔夠，建議問店員拎多啲。芽菜夠爽，重可以🆓任添，真係啱晒我。
.
4⃣ 粉連湯同吃
呢一步真係好重要，成碗粉個精華就o係個湯度，絕對要每一啖都食到牛湯精華先至最正。
唔使驚個湯會好油好味精，我話你聽絕對唔會。個湯勁少油，而且我食完個粉返到公司都未覺得特別口渴，放心大啖食吧!
.
最後佢重有教用"是拉差辣醬"撈"甜醬"黎沾牛肉食
我當然都有試一試啦，不過感想就係唔點好過點啦，啲牛原本就好好食，原汁原味更有牛味。
.
最後講一講啲牛，下次如果我再黎食，我會嗌生牛肉河囉，事關3樣餸之中佢係最好食，夠晒淋又夠牛味。
熟牛肉係牛腩黎，淋唔淋就要少少運氣，我碗嗰啲近筋位，比較淋，同事成舊都係肉，就硬身少少啦。
最後個牛丸真係好普通，普通地彈牙，普通地有牛味。
张贴
