粵式生香蒸氣海鮮火鍋 (已結業)

今晚我們再去咗尖沙咀嘅「粵式生香蒸氣海鮮火鍋」食晚飯！我們叫咗川芎白芷天麻大頭魚氣鍋配原條水庫大頭魚、時令海鮮拼盤、美國桶蠔同東風花螺！原條水庫大頭魚雖然有好多骨，但味道非常鮮甜，肉質相當嫩滑！時令海鮮拼盤嘅大元貝嘅肉質非常鮮甜彈牙！花甲嘅味道相當清甜，肉質好爽口彈牙！美國桶蠔真係好大隻，就算蒸熟咗都唔會縮咗水，味道相當清甜同creamy，真係超好味！差唔多食晒就去到本人最鍾意嘅川芎白芷天麻大頭魚湯，香濃嘅藥材味，吸收晒所有精華，味道真係相當鮮味甘香，飲完成個人都覺得暖笠笠！