影片
更多
2022-01-27
508 浏览
餐廳：五武士 (尖沙咀)地址：尖沙咀梳士巴利道18號K11 Musea1樓125號舖每當諗起日本菜嗰陣🍣，你第一時間會諗起啲咩嘢食？尖沙咀K11 Musea呢間2021年12月尾先開嘅日式餐廳——五武士 @five_samurai 就帶咗比我一個全新嘅日式體驗，而佢哋嘅理念喺透過五種元素去將日式餐飲重新定義，唔知喺咁嘅情況下又會擦出啲咩火花呢🔥？武士，充分咁代表住日本文化🇯🇵，老闆設計咗武士藍圖，再由設計師去執筆繪製出入型入格嘅5個武士⚔️，成為咗Menu同餐廳牆上別樹一格嘅標誌，同時帶食客走入餐廳主打嘅五種餐飲元素裡面：1️⃣少爺啤🍻：餐廳同依家香港最悠久、規模最大嘅本地精釀啤酒廠——少爺啤酒(Young Master)合作，推出六種口味手工啤，其中一款仲喺少爺啤專為五武士設計嘅武士啤，全世界獨有😍2️⃣雞尾酒吧🍸：餐廳特設draft cocktail頭，由亞洲排名too 50嘅印巴藉調酒師兼專業品酒師去調教每一款cocktail，喺牆上嘅cocktail頭一扭開就可以品嘗到大師級嘅雞尾酒3️⃣wine and sake🍶：餐廳唔會有Drink list，而喺透過專業嘅品酒師一路同食客去傾偈、了解
地址：尖沙咀梳士巴利道18號K11 Musea1樓125號舖
每當諗起日本菜嗰陣🍣，你第一時間會諗起啲咩嘢食？尖沙咀K11 Musea呢間2021年12月尾先開嘅日式餐廳——五武士 @five_samurai 就帶咗比我一個全新嘅日式體驗，而佢哋嘅理念喺透過五種元素去將日式餐飲重新定義，唔知喺咁嘅情況下又會擦出啲咩火花呢🔥？
武士，充分咁代表住日本文化🇯🇵，老闆設計咗武士藍圖，再由設計師去執筆繪製出入型入格嘅5個武士⚔️，成為咗Menu同餐廳牆上別樹一格嘅標誌，同時帶食客走入餐廳主打嘅五種餐飲元素裡面：
1️⃣少爺啤🍻：餐廳同依家香港最悠久、規模最大嘅本地精釀啤酒廠——少爺啤酒(Young Master)合作，推出六種口味手工啤，其中一款仲喺少爺啤專為五武士設計嘅武士啤，全世界獨有😍
2️⃣雞尾酒吧🍸：餐廳特設draft cocktail頭，由亞洲排名too 50嘅印巴藉調酒師兼專業品酒師去調教每一款cocktail，喺牆上嘅cocktail頭一扭開就可以品嘗到大師級嘅雞尾酒3️⃣wine and sake🍶：餐廳唔會有Drink list，而喺透過專業嘅品酒師一路同食客去傾偈、了解佢哋嘅需要同budget，tailor made一款最適合嘅口味同想要嘅酒比食客
4️⃣鐵板燒🥩：餐廳聘請咗經驗老到、同時鍾意創新同變化嘅鐵板師傅去為食客即席炮製鐵板燒♨️，當中最值得留意嘅緊喺佢哋有提供嘅日本和王牛——得到A5或A4以上等級，而油花標準等級達到六級以上，經日本食肉格付協會挑選飼養咗28個月嘅最高品質極上和牛
5️⃣串燒🍢：除咗牛舌之外，所有串燒食材都喺嚟自日本🗾，包括雞肉🐓、豬肉🐖、蔬菜等，相當有品質保證
未行入餐廳就見到少爺啤嘅手工啤酒區，行入走廊見到畫分咗包廂同放滿唔同酒類嘅品酒室🍷，
經過走廊就到鐵板燒嘅區域，再行入啲就見到主食區，當中再分望到維港海景嘅高檯同矮檯區🏙，而鍾意chill啲嘅仲可以揀餐廳最入嘅cocktail bar枱，真喺迎合到唔同人嘅需要😎
✝️牛舌啡菇串 $108/串
平時食開嘅牛舌都喺厚切為主，呢度嘅牛舌喺薄切再包住日本啡菇🍄，咬落第一口喺味道焦香脆嫩而有嚼勁嘅牛舌，之後就食到新鮮多汁嘅啡菇，相當惹味😋
✝️免治雞肉棒配日本初生蛋 $68/串
用咗日本五大名雞嘅阿波尾雞肉去整，佢嘅肉質有彈性得嚟脂肪含量低，雞肉香味依然濃郁👍，面頭加咗青蔥同芝麻，免治雞肉入面就加入脆口爽甜嘅日本長芋粒，即喺我哋講嘅淮山，配埋72小時內由生產再經飛機飛到嚟香港嘅日本初生蛋🥚，體積雖然較細，但蛋味清香滑溜，加上營養價值較一般蛋高，令成個免治雞肉棒口感豐富咗唔少😙
✝️燒原條蝴蝶鯖魚御膳 $238
以日本傳統一夜干製法🐟，將新鮮嘅鯖魚以蝴蝶型切開，灑上少少鹽再原條掛起曬到半乾☀️，之後再拎去燒香，除咗睇到師傅嘅刀功切法了得，燒烤火候都控制得幾好。
鯖魚食落微微鹹香，唔覺有好令人抗拒嘅腥味，仲可以配埋柚子醋同青檸汁一齊食，更帶出魚嘅鮮味
✝️日本蔥油吉列日本黑豚豬扒御膳 $268
餐廳用咗日本沖繩黑豬去整豬扒，生產飼育過程雖然較白豬緩慢，但豚肉肉質嘅甜度同鮮度都較為優質🤩，以吉列方式脆炸黑豚豬扒，咬落鬆脆一啲都唔厚粉，皮薄得嚟唔會皮肉分離，面頭加咗日本白蔥、青蔥同芝麻，食落香脆可口。由吉列皮嘅脆，到黑豚肉嘅軟嫩鮮甜，加上爽口蔥花嘅配合，一啖就食到多重滋味🤤，黑豚肉肉味濃郁，肉汁唔算多但一啲都唔乾身，仲唔會好油膩，個人認為連醬汁都唔需要蘸已經好夠味，試得一試👏
每個午餐仲送前菜、沙律、蒸蛋、白飯、漬物、麵豉湯同甜品，都真喺幾多嘢食又飽肚，充滿唔少驚喜🥳。先喺加咗番茄蒜汁嘅新鮮沙律🥗；再嚟嘅喺用小松菜、豆腐卜、金筍絲整成嘅開胃前菜；當然唔少得嫩滑、有唔少蟹肉碎同菇菌嘅日式蒸蛋，賣相相當精緻。午餐配嘅白飯用咗日本新潟縣越息吹米，食落充滿飯味香濃之餘仲煙韌唔黏口🍚；不過不失、唔會死鹹嘅麵豉湯，同埋加咗黃豆粉同沖繩黑糖嘅綠茶蕨餅亦為呢餐飯構成一幅美麗嘅圖畫🥰。
✝️Samurai Lager $68/330mL
嚟到點可以唔試全世界得呢度獨有嘅武士啤🍺？濃度4.5%嘅手工啤酒飲落唔會好難入口，接落嚟好快就有一陣
破格嘅山椒香湧出，以柑橘清香同微微嘅嗆辣口感為過人之處，既特別又過癮😈✝️Pinky Highball $100
Whisky Highball嘅溫度同酒精純度掌握喺成杯cocktail嘅精髓，除咗上枱果陣喺冰凍🧊，冰塊嘅溶解速度要夠慢，先可以令highball保持喺冰凍狀態而味道又唔會好快變淡。餐廳用咗日本Whisky、柑橘、柚子汁、海鹽、紫蘇葉同大黃(Rhubarb)去調製，淡紅色嘅顏色加上杯面一串卷起嘅大黃組合起嚟夠晒吸引😻，飲落一啲都唔嗆喉，反而飲得出清新嘅紫蘇同清甜嘅柑橘柚子味🍊，海鹽嘅配搭亦豐富咗Whisky嘅味道同清爽口感，幾啱女士飲用
张贴
